thumbnail

《神奇女俠》以色列美人 34歲姬嘉鐸 Gal Gadot 索爆又打得

神奇女俠》上映不久已經好評如潮,全球票房大收,其中由以色列女演員 姬嘉鐸 (Gal Gadot) 扮演神奇女俠,好多人都覺得佢完全演活了Wonder Woman呢一個經典角色!呢一位以色列索女其實來頭不少,現年34歲嘅 姬嘉鐸(Gal Gadot)喺04年摘下以色列小姐后冠,09年客串《狂野時速4》開始受到觀眾注目,現時再憑《神奇女俠》創高峰!唔講唔知呀, 姬嘉鐸 仲曾經為以色列國防軍服役兩年!
圖文:東方新地


姬嘉鐸 《神奇女俠》一炮而紅

猶記得去年的《‪蝙蝠俠對超人:正義曙光》口碑一般,不過由 姬嘉鐸 飾演嘅神奇女俠非常搶鏡,出場時間唔多但已經令人留下深刻印象,迷倒觀眾!今次《神奇女俠》獨立電影係講述神奇女俠成為超級英雄之前嘅故事,英勇善戰嘅亞馬遜公主戴安娜一直在隱世的荒島生活,直到一個美國空軍機師因墜機意外闖入,告訴佢哋外面的世界烽煙四起,。戴安娜決定離家,平息所有戰爭。佢與這位機師並肩作戰,終結一切戰爭,而且發現自己嘅潛能和早已注定的命運。



以色列小姐冠軍

姬嘉鐸自小已長得非常標緻,早喺2004年參選以色列小姐並成功摘下后冠,當年只有19歲嘅佢贏得以色列小姐後,去到厄瓜多爾參選環球小姐,可惜15強止步。


《神奇女俠1984》預告片曝光!

最索女英雄之一嘅DIANA返來啦!今次唔單止有新造型「黃金聖鬥士」,就連男朋友仔史汀都死而復生;電影將於2020年6月4日喺香港上映!

【#食住花生等睇戲】《神奇女俠1984》首條預告

【#食住花生等睇戲】最索女英雄之一嘅DIANA返來啦!今次唔單止有新造型「黃金聖鬥士」,就連男朋友仔史汀都死而復生;電影將於2020年6月4日喺香港上映!#新Monday #神奇女俠1984 #WW84 #預告 #電影 #DC #八卦妹

Posted by 新Monday on Sunday, 8 December 2019

曾經當過兵!

姬嘉鐸 19歲選環球小姐失敗之後冇即時入娛樂圈,而係加入咗以色列軍隊服役兩年!唔知佢係《神奇女俠》入面嘅好身手係咪係軍隊度練成㗎呢!退役之後重返校園讀法律,直至參加邦女郎的試鏡先至逐漸走到幕前。



《狂野時速4》鋒芒畢露

姬嘉鐸09年喺電影《狂野時速4》客串Gisele Yashar一角,開始受人注意,喺上年嘅《蝙蝠俠對超人:正義曙光》(Batman v Superman: Dawn of Justice)入面,Gal Gadot化身成為Wonder Woman,雖然出場時間很短,但都令到好多觀眾留意到佢,而且對Gal Gadot主演嘅《神奇女俠》期待度上升!


曾想退出娛樂圈

日前姬嘉鐸 喺節目《The Tonight Show Starring Jimmy Fallon》就透露自己喺演出神奇女俠之前,曾經因為多次試鏡失敗感到心灰意冷。「這個行業,被拒絕是很無情的…我試過很多次幾乎成功的試鏡,每次都是幾乎選中我,但之後依然是另一個試鏡,重重覆覆…」多次試鏡失敗導致Gal Gadot猶豫應唔應該繼續演藝工作。


後來《蝙蝠俠對超人:正義曙光》嘅導演Zack Snyder邀請姬嘉鐸 去為一個神秘角色試鏡,但其實姬嘉鐸 試鏡神奇女俠嘅時候係唔知自己究竟要演咩角色㗎!經過咗兩次試鏡,導演先話俾佢知依個角色就係神奇女俠!如是者神奇女俠依個大受歡迎嘅角色就誕生咗啦!


榮升人妻 育有兩女

雖然 姬嘉鐸 迷倒全球男士(甚或女士),不過女神已經名花有主,喺2008年同以色列商人Yaron Versano 結婚。2011年誕下大女Alma,早前更加誕下二女Maya,一家四口非常幸福!而姬嘉鐸 無論樣貌定身材都keep得非常好,完全唔似係兩女之母,小編真係好葡萄佢老公……



全文完