林子善 明年大婚 預告星級兄弟團

今年娛樂圈喜事多籮籮,由韓國雙宋到香港郭富城、陳柏宇、王君馨等人結婚,日前又有藝人宣布喜訊,就係 林子善 啦!正拍攝《果欄中的江湖大嫂》的子善同圈外女友Kary拍拖多年,恩愛非常,經常喺IG放閃晒恩愛,二人結婚相信大家不感意外。自《怒火街頭》彈起之後,子善劇接劇,收入急升,近年更升呢為茶餐廳老闆,依家準備做人夫,可以話係事業愛情兩得意!

林子善 宣布結婚

林子善 今年忙裏偷閒,終於搵到時間註冊結婚,但其實呢段愛情並唔係風平浪靜,去年兩人因家人催婚,子善壓力大到一度分手逃避,當時佢以為跟女友分開可以冷靜一下,但兩人一齊經歷咁多風風雨雨,突然分開發覺自己冇咗對方唔得,所以子善下定決心向女友開出結婚承諾。佢表示婚禮已經搞左一半,酒席、場地亦搞得七七八八,到二月份就全力搞婚事,結完婚就開工或者陪太太去旅行。

延伸閱讀:

環遊世界 蜜月造人 黃翠如 蕭正楠8月結婚

蕭正楠黃翠如結婚 曹永廉自爆做伴郎