《 鑑證實錄 》廿周年聚會 李珊珊罕有出山:5年來最生猛

無綫經典劇集《 鑑證實錄 》1997年播映時大受歡迎,唔經唔覺,原來已經20周年,日前一班演員在中國會舉行20周年聚會,一眾台前幕後幾乎齊腳出齊,就連「神隱」多年、之前傳身體出現小病痛嘅李珊珊都有蒲頭,認真難得!

Photo:新傳媒資料庫、李珊珊微博、林保怡微博、郭政鴻微博


齊人出席 鑑證實錄 廿周年聚會

當晚出席除了男主角林保怡及女主角陳慧珊,仲有李珊珊、劉愷威、莫可欣、鍾麗淇、廖啓智、陳美琪、郭政鴻、劉江、張松枝、劉江、林小湛、溫裕紅,以及監製潘嘉德及編審賈偉南等多位幕後功臣都有現身!

延伸閱讀:

進軍飲食界 唐詩詠 王浩信 一拍即合開cafe

藐同性做咪霸 劉佩玥 麥明詩直播開火

 

 


 

 

珊珊好鬼馬,暱喺郭政鴻身後攝入鏡,仲做V字手勢!

 


 

 

鑑證實錄 廿周年 珊珊激罕蒲頭

李珊珊近年罕有出席公開場合,而仲有傳佢患上腦瘤,傳聞遭珊珊否認,而呢一晚佢穿上黑衣、戴上眼鏡到場,精神奕奕現身,難得同一班老朋友敍頭,珊珊都笑得好開心。

 


 

 

 

微博留感言:五年來最生猛

珊珊事後喺微博留言話:「二十年,可說佔了人生的一半。今晚有緣再聚,也是過去五年來最生猛活躍的一天。感謝各位,這夜嘗到久違了的興奮和快樂,我如同過度活躍症的孩子,不停跟各位談天說地。謝謝你們給我如此美好的時光。」

李珊珊在微博曬相兼感慨留言,指當晚是過去五年來最生猛活躍的一天。

 

四料港姐冠軍

李珊珊96年參加港姐競選,獲得冠軍、最上鏡小姐、最受傳播媒介歡迎獎及才藝小姐四個獎項,擁36E勁爆身材嘅佢被稱為是史上身材最好的港姐冠軍,其姑姑為香港作家李默。到97年度珊珊參加國際華裔小姐競選勇奪亞軍,到98年珊珊同錢嘉樂拍TVB電視劇《烈火雄心》撻著,但07年二人宣布分手,結束8年情。


 

 

珊珊與蛇共舞嘅纖體廣告,相信大家一定記得!

否認患腦瘤直認多次入院

其實李珊珊近年身體欠佳,經常受到濕疹困擾,淡出娛圈的她舊年突然有傳患腦瘤,但佢否認有其事,珊珊喺微博承認身體出現毛病,在過去嘅四個多月曾出入醫院,但佢解釋只係有些小病痛而唔係大病,形容人年紀漸大,就如同機器操作多年,零件出問題需要修理,這是正常不過的事,請大家唔好大驚小怪,只係病情屬於私隱,所以至冇公開透露詳情。

珊珊透露身體患上小毛病,連醫生都話佢為咗搞拍賣港姐后冠一事太辛苦,令康復中嘅身體出現阻礙,建議佢要多休養!

 

 

珊珊近年深居簡出,但之前有傳佢患腦瘤,珊珊上載罩上口罩嘅近照,力證身體無恙!

睇番當年《 鑑證實錄 》及《 鑑證實錄 II》,珊珊喺劇中飾演嘅女警「小棠菜」,成個鄰家女孩咁,雖然套劇係佢首部演出嘅劇集,但表現算不俗,而珊珊喺劇中同飾演重案組高級督察嘅林保怡有感情戲,雖然二人喺戲內未能開花結果,但卻因為此劇而成為好友!


 

陳慧珊飾演嘅女法醫官「聶寶言」又係經典角色,劇中仲同「大佬原」林保怡拍拖!

 


全文完