李司棋潮玩IG 黑絲和服勁吸睛

今時今日科技發達,玩社交網站將乎係每個人必做的事,而一眾藝人就更加要密密update,同班粉絲緊密互動!今日67歲生日的李司棋 (司棋姐) 原來不讓年輕人專美,今個月開設Instagram,至今都有2千幾個followers!司棋姐亦唔係hea玩,相片種類夠晒豐富,和服日本妹look、黑絲晒美腿仲有食好西selfie樣樣齊,「香港公主」果然厲害!

李司棋潮玩IG

雖然唔少年輕人會覺得長者比較落伍,不過67歲司棋姐就用行動話俾大家聽佢可以跟上潮流!司棋姐今個月正或式開設個人IG,短短時間已經有2千幾位粉絲,藝人楊怡、鍾嘉欣、阮兆祥和陳敏之等都有follow!

李司棋化身為「黑絲棋」

司棋姐IG唔算更新得好密,不過相片種類包羅萬有,最令人驚豔的莫過於佢向「黑絲儀」江美儀挑機,向網民分享黑絲靚相!其中一張見到司棋姐黑絲配花花鞋,擺番個靚甫士;另一張就係佢全紅打扮配黑絲,仲識學時下年輕人擺番個「扮長腿」的甫士,佢都留言話自己係個「酒紅色女子」!李司棋化身為「黑絲棋」!

轉身變日本妹

之後又見到司棋姐著起和服、set好個靚頭成個日本妹咁,捧起碗沙律賣萌,表情真係一絕!

估唔到司棋姐啲自拍技術都幾唔錯喎!食個薯條都要selfie一番,的確同時下年輕人無異!

全文完