生日P送吻 湯洛雯認與羅天宇發展中

藝人湯洛雯與羅天宇早年拍處境劇《愛.回家》結緣,後來傳出戲假情真,雖然早已是公開的一對,但兩人為保愛苗而一直堅稱「了解中」。直至日前羅天宇在家舉行30歲生日派對時,靚湯為壽星仔送上深情一吻的一幕在網上流傳,Sweet到爆!昨日靚湯出席慶中秋活動,終於承認與羅天宇發展中,同時表示兩人希望低調拍拖!

湯洛雯羅天宇《愛.回家》擦出愛火

湯洛雯首次演出的劇集《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認,並一直聲稱了解中,但大家早已認定佢哋係一對!



堅稱「了解中」

靚湯與羅天宇一直了解中,期間多次被被傳媒拍到佢哋睇戲約會。雖然羅天宇有個外號叫「女神殺手」,但「靚湯」看來沒有介意,更力撐羅天宇好仔!事關有報道指,羅天宇已經見過女方家長,而「靚湯」大讚羅天宇專一好仔,看來二人發展十分穩定



湯洛雯吻賀壽星仔羅天宇

剛過去的10月1日係羅天宇30歲生日,男人三十而立當然要好好慶祝,邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相,連靚湯妹妹Cassandre亦有現身,可見兩家人關係融洽。而重點係,慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳,男粉絲們真係心碎了!


湯洛雯認與羅天宇發展中

昨日靚湯出席《big big channel 失驚無神賀中秋》活動,被問到與羅天宇開P時咀嘴,係咪正式公開戀情?靚湯表示「冇話公唔公開嘅」,因為早幾日已同大家講係發展中,而當日開P咁開心,所以就俾個Kiss對方,靚湯仲話其實好尷尬!


 

另外靚湯又強調兩人係啱啱開始發展,未去到談婚適嫁、見家長的階段,所以兩人都希望保持低調,等更穩定後、有結婚念頭後先公開。不過佢哋現時未有呢個打算,都係以工作為先!

全文完