lam fi

甩吳千語狂歡 林峯 超市掃貨開P

38歲林峯同細14年的吳千語拍拖五年,近日傳出二人已經分手,據知吳千語搭上前全國政協施子青長孫、現年28歲嘅施伯雄Brian。事實上,林峯一直唔鍾意千語BB爛蒲貪玩,公主病的千語BB ,更加一直過唔到林父(廈門李嘉誠林華國)一關,二人關係已經不像從前癡纏。五年情告吹,林峯亦全副精神專注事業,去年成立工作室,近日亦投入拍攝內地一部時裝劇,開工之餘,林峯不愁寂寞,晚晚有局!日前,林峯更同女性友人,到超市狂掃零食、飲品回家開P狅歡!

撰文:東方新地


圖片:新傳媒資料庫、林峯IG

吳千語 主動出撃

近日傳出情變的林峯吳千語,先後回應分手一事,亦答得耐人尋味,問到是否仍是男女朋友關係,林峯只表示「我哋間中都有聯絡!」千語BB更揚言:「畀啲空間我哋!我哋工作上各有各忙。」原來向來爛蒲鍾意高攀有錢人的千語BB,大半年前在好友馬天佑拉線下,結識祖父是前全國政協施子青28歲的富三代施伯雄(Brian)。據知情者透露:「千語好鍾意黐馬天佑出去玩,就算同阿峯一齊,都仲想結識多啲富二代, Brian係天佑朋友,佢同千語喺飯局度識,千語知道對方屋企有米、屋企猛料,已經主動出擊,成日諗藉口約對方,好快兩個就撻著咗!」


吳千語
林峯同吳千語拍拖五年,一直似足糖黐豆,不過,近大半年就不斷傳出情變消息,近日再傳分手,有指吳千語搭上前全國政協施子青長孫施伯雄。

 

現年28歲的施伯雄,是財力雄厚的恒通資源集團掌舵人及前全國政協施子清長孫,家底厚。

連月來林峯忙於拍攝內地劇,拍完《獨步天下》,今個月又接拍了一部內地時裝劇,劇集在港取景。據知情者透露:「成大半年留喺內地開工,難得返香港,啲朋友輪住約阿峯飯局,又或者返屋企打邊爐同開P,趁機同朋友敍吓舊。」

心情輕鬆 狂掃飲品

日前,林峯同一女性友人,在西環超市上糧,兩人一邊揀嘢,一邊有說有笑,情變並未影響林峯心情。女性友人推住手推車掃貨,更加同林峯一邊研究買乜好,兩人揀嘢有商有量,最後買到成車飲品和乾糧。林峯雖然屋企有米,但他亦唔係翹埋手等人服侍的少爺仔,買完嘢,自己就秤住大袋飲品離開超市。


林峯好胃口,拎住兩包唔同口味嘅薯片十五十六,女友人幫手揀埋一份!


七人車任用

買完嘢,林峯同女性友人行去攞車,工人姐姐即幫女性友人攞嘢上七人車放好,之後直駛回林峯西半山嘉林閣寓所。



未過林父一關

五年前,林峯同只得19歲的吳千語,合拍電影《男人如衣服》撻著,林峯更加愛得全程投入,曾公開七講「好愛……好愛BB」愛的宣言,對女友呵護備至,不過拍拖不久,吳千語公主病性格好快現形,經常要林峯陪出埠玩兼豪買名牌,也因此一直得唔到林父歡心。據知情者透露:「同阿峯啱啱拍拖,千語已經好似膏藥咁黐實男友,阿峯好錫佢,乜都就晒女友,成日會陪佢出埠玩,千語好追名牌,阿峯就狂買嘢氹佢,嗰時阿峯啲朋友,都唔太鍾意千語啲公主病性格,依家佢哋分手,大家都替阿峯開心,覺得一啲都唔可惜!」觀乎林峯事業再起飛,感情事應該先放一邊,等對的人出現再出擊吧!


吳千語
與林峯拍拖的日子,吳千語經常要對方陪出埠兼shopping,不過每次返港千語都只翹埋手,由男友一人攞行李。