SHINE FI

成軍15年 三月紅館開騷 Shine:我哋唔係失蹤人口

組合Shine徐天佑與黃又南,繼2012年的《Shine Passion Live》跨年騷後,敵逢今年係佢哋出道15年,兩人覺得ready可以再喺紅館開個唱,於是入紙申請6次,終成功取得紅館檔期,Shine將於3月2及3日再踏紅館舉行第二次《Shine Moments Live 2018》紅館演唱會,佢哋話依家正不斷造新歌,以及為演唱會操肌,雖然停咗五年冇一齊開騷,但Shine兩人都話自己一路有拍戲,稍後仲會合拍一套港產片,絕對唔算係失蹤人口!

撰文:東方新地


圖片:新傳媒圖片庫

Shine 三月合體開騷

問到Shine演唱會準備成點?又南話:「今次時間充足,上次演唱會得兩個月時間綵排,今次我哋主動同公司講攞五至六個月準備,因為想向我哋嘅弱項挑戰,表演畀大家睇。」天佑就話:「上次演唱會我哋係突然間攞到個期,因為上次Sammi(鄭秀文)放咗期出嚟,今次係我哋自己入紙申請,前後申請咗六次先批。我哋本來想上年搞,因為上年先係我哋十五周年!」

Shine
Shine話演唱會門票已賣得七七八八,黃又南說:「好多朋友打電話問有冇飛,我哋都留咗啲嘅,不過都頭痕唔知夠唔夠。」

Shine


為除衫晒肌 特別加操

Shine已有五年時間單飛,更有數年沒出新歌,天佑指:「所以依家要不斷造新歌,先至行到落去,冇理由淨唱舊歌!」又南笑言:「有啲歌唱得太多,終於感受到Eason(陳奕迅)講嘅『由好鍾意隻歌,變到好憎隻歌。』」而問到演唱會會否除衫騷肌?Shine就賣關子暗示說:「先嗰兩次都有除,今次我哋要練得再犀利啲!」

Shine
會唔會加場?徐天佑指兩場已很滿足,寧願遲啲再開Part2:「一步一步嚟啦,今次爭取到四面台好滿足,下次先再加場數。」

Shine


將合演地道港產片

五年冇出新歌亦冇開演唱會的Shine,一度被列為樂壇的失蹤人口,天佑笑指自己一路都有拍戲,又南補充話:「喺大家嘅角度,可能覺得我哋失蹤咗,但其實一路有做嘢,我有三年簽咗海潤電影,搬咗上北京!」

ShineShine


又南笑言:「三、四年前真係冇諗依家會再一齊開演唱會,因為中間我哋停咗五年,各自各拍戲、各有作品,係Concert YY(黃偉文作品展)又喺番埋一齊,嗰時諗住幫阿Y做好佢,點知反應好好!」又表示二人將再合體一同合演新片:「由沙士講到金融風暴,係好地道嘅港產片!」

Shine
Shine於3月紅館騷首次挑戰4面台,更透露演唱會有起碼一半時間都是跳唱環節。

Shine近日宣傳新歌《老花前必做10件事》,問到老花前有甚麼事是要必做的?他們異口同聲認為趁年青要去不同國家遊歷,徐天佑提到去年已遊歷冰島,現在計劃遊秘魯,而黃又南就想去到加拿大黃刀鎮看極光!

Shine


Shine

 

Shine