sis fi

變靚之路 蔡思貝擺脫翻版達哥、木村

蔡思貝今年台慶憑《踩過界》趙正妹(癲姐)一角,打敗《同盟》胡定欣、《誇世代》李佳芯等勁敵,成功奪得「最受歡迎電視女角色」獎,得獎時蔡思貝激動發表感言,說曾經因為外界的評價影響而好唔鍾意自己,因此剛好可以演「癲姐」這個醜角係「very good」,仲話:「因為呢個角色,令我有返少少鍾意返我自己!」思貝自2013年當選港姐亞軍後,未卸任已獲監製賞識有份演《八卦神探》,之後佢陸續演出《名門暗戰》、《衝線》、《鐵馬戰車》、《潮流教主》和《純熟意外》等劇,極速升呢做女一,連個樣都十級跳,不少網友話佢變得愈來愈靚女!

撰文:東方新地


蔡思貝:「好多人都唔係好鍾意我」

獲頒「最受歡迎電視女角色」獎,蔡思貝在台上感觸表示:「多謝TVB,多謝《踩過界》,多謝監製搵我做趙正妹,亦好多謝趙正妹呢個角色,因為選完港姐之後大家一路對我評價都唔係咁好,覺得我做咩嘢都唔好。嗰時到依家,好多人都唔係好鍾意我,甚至令到我自己都唔鍾意自己。」

蔡思貝
得知獲獎時,蔡思貝表情愕然,激動咬唇。

蔡思貝
由王晶負責頒獎。

思貝續說:我初初覺得自己頂得住,後尾覺得自己真係好醜。直到監製搵我做醜角我就覺得好好喇,咁巧合有個醜角色俾我,我覺得very good,同我一樣咁醜。因為呢個角色,令我有返少少鍾意自己,亦令你哋鍾意返我自己多啲。我仲會喺TVB好多年,我會演好多戲證明自己,我會做出嚟俾大家睇!」

蔡思貝
蔡思貝在台上感觸發言,表情動作都好激動。

2013年選港姐入行

現年26歲的蔡思貝曾到紐西蘭及德國留學,在2013年就讀德國海德堡大學民族學期間,她趁暑假返港參選港姐,以五萬觀眾投票輸畀同屆的陳凱琳,屈居亞軍,而該屆季軍是劉佩玥。最終蔡思貝決定放棄學業簽約TVB,開始入行拍劇。


蔡思貝
參選港姐確係靚女入娛樂圈的最佳途徑,2013年當選港姐冠亞季的陳凱琳、蔡思貝和劉佩玥,如今都受無綫力捧,成為當紅的花旦。

蔡思貝
當年參選時陳凱琳和蔡思貝都曾用力夾出事業線!

蔡思貝 介意被稱「達哥」

蔡思貝先後被指似,陳煒、梅艷芳,木村拓哉,又或者係網絡紅人重「達哥」,佢話被指似樣撞樣唔緊要,但最介意係網民喺佢專頁叫佢做「蔡思達」,甚至直接叫佢做「達哥」,佢認為:「改名叫我做蔡思貝,就一世都係蔡思貝,而唔係其他名!」

蔡思貝
當年初出道蔡思貝明顯面較闊、鼻亦較扁,更偏男人相,因此被指酷似木村拓哉,甚至「達哥」。

蔡思貝
連杜汶澤都曾經好認同。

蔡思貝
同網絡紅人「達哥」出席活動,被笑似孖「兄弟」,令蔡思貝勁尷尬。

傳姣媾鄭俊弘

同年尚未卸任港姐亞軍,蔡思貝就開始拍處女劇《八卦神探》,飾演大學生蘇倩敏一角,並與鄭俊弘有感情線,仲一度傳出她姣媾鄭俊弘。

蔡思貝
處女劇扮大學生,造型清純。

蔡思貝
出席活動都手拖手,唔傳緋聞至奇。

2015年 升呢女主角

2014年蔡思貝第二部劇集《名門暗戰》飾演泰拳手馬小明,與蕭正楠有感情線,獲監製羅永賢讚氣質有點像當年郭藹明。

蔡思貝


當年《名門暗戰》中蔡思貝與蕭正楠做一對,並在擂台上「搞出人命」,令觀眾嘩然!

2015年《衝線》蔡思貝已升呢做女主角,與羅仲謙做一對,仲入圍當年入圍《萬千星輝頒獎典禮》最佳女主角。同年蔡思貝仲獲張家輝賞識,邀請她拍電影《陀地驅魔人》。

蔡思貝
《衝線》中蔡思貝首次做女主角,被羅仲謙和沈震軒兩男爭一女。

蔡思貝

蔡思貝
蔡思貝首次拍電影《陀地驅魔人》角色戲份重,但被《第11屆金話梅電影選舉》選為最爛女主角。

蔡思貝
2016《鐵馬戰車》

癲姐出位

蔡思貝憑《踩過界》趙正妹(癲姐)一角,奪得成功揮低《同盟》胡定欣、《誇世代》李佳芯、《不懂撒嬌的女人》唐詩詠、《降魔的》黃智雯。


蔡思貝
《 踩過界 》講述盲俠大律師王浩信與師爺蔡思貝、私家偵探張振朗及法官李佳芯 (Ali) 組成四劍俠,利用「 踩過界 」的方式為巿民爭取公義。角色難度好高,而王浩信演得相當好!


愈大愈靚女

蔡思貝自2013年當選港姐亞軍後就簽約TVB,在就任期間已獲監製賞識,演出由李思捷、萬綺雯主演的《八卦神探》,飾演鄭俊弘女友,戲份頗多。之後她陸續演出《名門暗戰》、《衝線》、《鐵馬戰車》、《潮流教主》和《純熟意外》等劇,極速升呢女主角之餘,比起初出道時當年初出道激似木村拓哉甚至「達哥」的面相,近年蔡思貝真係愈變愈靚女,依家應該冇人再叫佢「達哥」啩!

蔡思貝
蔡思貝熱愛跑步,近排頻頻參加跑步賽事,佢大晒運動look,個個都話靚!


又睇吓盛裝嘅打扮!穿晚裝嘅思貝唔止性感,仲女人味十足!



憑住《降魔的》一劇而爆紅的歌曲《到此一遊》近期大受歡迎,真係唱到大人小朋友都識背。早前TVB更加搵嚟5個港姐小花:馮盈盈、黃心穎、蔡思貝、張寶兒、邵珮詩跳唱《到此一遊》,個個都話蔡思貝係五個之中,跳得最好、身形最靚、最sexy嘅一個!


有片睇: