Lee3

為祖藍放棄考藍帶 李亞男:婚姻就是各有犧牲

做過王祖藍專訪好幾回,李亞男倒是第一次。嚴重警告,以下訪問三句話不離王祖藍,含糖量高到一個點。聽起來是有些過度依賴,不過,哪個女生不是窮一生都想找個人,有能耐有魅力讓自己過度依賴?

撰文:東方新地

圖片:新傳媒圖片庫

李亞男:婚姻就是各有犧牲

從拍拖到結婚,王祖藍固然爬得快,而他和李亞男這一對也讓不少人跌眼鏡。不過恩愛之餘,去年底還是傳出祖藍太忙、亞男太依賴,於是亞男因為驚恐症入院,亦疑似患上抑鬱:「驚恐症係真嘅,不過抑鬱係假嘅,係結婚冇耐我因為腸胃有事入咗院,當時祖藍喺內地拍緊電視劇《哪吒》,實在請唔到假返唔到嚟陪我,我就真係覺得好down。外界話佢為咗事業忽略我,我想話其實係佢為咗我犧牲咗好多至真。嗰次以後,佢真係除咗綜藝節目再唔會接內地電視劇、永遠出trip都一定唔會超過三個月。我覺得婚姻就係要互相珍惜互相犧牲,佢講得出做得到,所以我本來想去日本九個月考個藍帶章,依家都暫時放低咗呢個目標,冇可能淨係佢一個為咗呢段婚姻努力。」