流氓大亨

【流氓大亨重播】萬梓良狂做運動 踢走糖尿病

繼《大時代》、《我本善良》後,無綫又喺深夜時段重播另一由萬梓良(萬子)、Do姐鄭裕玲、劉嘉玲、吳啟華、周海媚等主演嘅經典神劇《流氓大亨》,萬子近年北上發展,只遇爾回港露面,早幾年佢暴肥60磅兼患上糖尿病,令粉絲都好擔心佢嘅健康狀況,不過佢勤做運動,加上改善飲食習慣,已成功控制病情。

撰文:東方新地



圖片:新傳媒圖片庫

【流氓大亨重播】萬梓良 嚴格控制飲食

萬梓良在1988年憑電影《大頭仔》升呢金馬影帝,代表作有《流氓大亨》、《他來自江湖》等無綫經典劇。但早年萬子患上糖尿病,曾自爆暴肥60磅,血糖指數一度達15點多,但萬子勤做運動,配合良好飲食習慣,指數已回落至九點多,情況已有改善。佢仲曾經狂呻話老婆同個仔都監管住佢飲食,仲好搞笑引用自己慨名句:「以前我系飯桶,依家要等老婆配給幾匙羹飯,SoWhat!」

流氓大亨
《流氓大亨》重播,萬子被老婆囝囝嚴格監管飲食,就算一個人返港開工,都唔敢大魚大肉。

流氓大亨
萬梓良去到茶餐廳,都只係叫咗條大眼雞,咁就一餐。

流氓大亨
食飯時萬梓良點咗個紅菜頭沙律加一碟切雞飯,但最主要都係食咗啲紅菜頭,碟飯幾乎冇郁過。

跑步睇中藥雙管齊下

近年萬梓良長駐内地拍劇,現居於廣州,人氣依然勁,佢話自己近年患上糖尿病,唔可以太瘦,會容易血糖低見暈,所以要keep fat先得,佢仲狂呻以前食得落三碗飯,但依家每餐只可以食三啖,同埋要食得好清淡。萬子又表示爲咗太太同兒子,現正積極跑步做運動以及睇中藥抗病,雙管齊下。

流氓大亨
萬梓良積極抗病狂做運動,身形亦比以往fit咗唔少。

萬梓良早年曾被邀到寧波市演出,全場坐無虛席,身穿白色西裝的萬子當時肥到冇頸,連番獻唱〈上海灘〉和〈不再猶豫〉等名曲,新地網原創萬子當年勤做運動嘅短片,齊齊欣賞吓萬子的威風!

曾與恬妞結婚

萬子曾與女星恬妞88年因拍電影《大頭仔》撻著,之後仲合作過《他來自江湖》和《大家族》等劇,到92年萬子和恬妞結婚,更由無綫直播婚禮現場,但婚姻只維持了四年,就因性格不合而離婚。02年萬子迎娶比佢細17歲嘅武漢空姐郭明黎,03年誕下兒子萬大千,之後萬子就長居內地,拓展國內市場,鮮有返港。

流氓大亨
萬梓良和恬妞嘅婚姻只維持咗四年。

流氓大亨
萬梓良與年輕17歲嘅武漢空姐郭明黎註冊結婚時,林家棟都有到場觀禮。

流氓大亨
萬梓良曾帶住省鏡太太及兒子萬大千一同出席活動,表現風騷。

去年復出拍港片

去年萬梓良因為被劇本吸引而復出拍港片《今晚打喪屍》,據知白只及張繼聰等一班年輕演員拍攝時都好似上堂一樣,經常向萬子哥請教!而繼《今晚打喪屍》後,萬梓良去年尾仲曾經同「King Sir」鍾景輝合作主演舞台劇《小井胡同》,佢話有咗糖尿病之後好容易見攰:「好在舞台劇時間比較固定,休息時間會多啲,如果系拍TVB劇就實頂唔順啦!」

流氓大亨
萬子去年出山在電影《今晚打喪屍》中飾演白只父親,演技備受好評,證明寶刀未老。

流氓大亨
萬子近年不時同King Sir合作演出舞台劇。

《流氓大亨》經典場面

《流氓大亨》有唔少經典場面,最爆一幕當然係大結局時萬梓良對劇中昏迷嘅Do姐表白足足7分鐘,之後激動大叫「so what」非常震撼。肉緊嘅萬子邊喊邊講對白,尤其嗰行鼻涕最令人深刻,連星爺周星馳喺電影《喜劇之王》中都有重演呢幕!

流氓大亨重播
【流氓大亨重播】《流氓大亨》於1986年首播,編審係《大時代》監製韋家輝,而編導就係《天與地》監製戚其義,信心保證。

流氓大亨重播
【流氓大亨重播】《流氓大亨》以徐小鳳主唱嘅〈婚紗背後〉作為插曲,當年播到街知巷聞。

流氓大亨重播
【流氓大亨重播】《流氓大亨》大結局以萬子對劇中昏迷嘅Do姐深情表白,萬子更激動大叫「so what!」,然後Do姐流下一滴淚作結,成經典場面。

萬子堅打吳啟華

另有一幕講述萬子出手打吳啟華,為求逼真,萬子事前並冇同吳啟華商量會真打,極度投入嘅萬子仲即席加插拎起個垃圾桶擲向對方,被真打嘅吳啟華事後堅嬲,最終萬子自掏腰包送古董表畀吳啟華賠罪。

流氓大亨重播
【流氓大亨重播】吳啟華飾演萬子失散多年嘅親細佬,為人見利忘義又玩弄周海媚飾嘅感情,最終令對方跳樓自殺。

流氓大亨重播
【流氓大亨重播】當年仲係新人嘅周海媚開工遲到兩個鐘,令Do姐嬲爆,最終Do姐故意話去飲茶要海味等番佢兩個鐘。

流氓大亨重播
【流氓大亨重播】《流氓大亨》故事講述萬子飾演嘅方謹昌,周旋於劉嘉玲和鄭裕玲兩女之間嘅三角關係。