1

陳浩民拍完大陸電影收唔足錢? 靠微博追數成功!

陳浩民、樊少皇、林子聰、錢小豪今日喺香港國際影視展出席「互聯網影視內容的發展與未來」發佈會,記得上年10月陳浩民拍完大陸電影《鬥戰勝佛》收唔足錢,結果佢喺微博公開追數,問番陳浩民事情進展,佢話收到錢事件已平息⋯
撰文:東方新地|圖片:陳浩民微博、新傳媒圖片


陳浩民 靠微博追數成功

陳浩民同林子聰開設嘅聰民志製作公司,將同新片場影業合作4部電影,首部《宋定伯》4月尾開拍,子聰話:「其餘3部未諗,因為通常部戲爆紅,就會開拍第2、3、4集。」浩民被封為「網絡影片點擊盟主」,佢笑住話話:「多得阿聰,我哋要keep住合作,上年點擊前5名,我哋佔咗4部。」陳浩民話唔會加片酬,只要多人睇就得!

陳浩民
陳浩民被封為「網絡影片點擊盟主」!


講到上年10月陳浩民拍完大陸電影《鬥戰勝佛》收唔足錢,結果佢喺微博公開追數,問陳浩民收到片酬未?佢話:「平息咗,好順利解決。」在旁的林子聰就話:「都遲咗半年呀!」


一個孭起頭家

陳浩民同太太蔣麗莎5年抱4,浩民一個養五個,擔起成頭家,辛苦工作又收唔足錢,當然要追番條數啦!


樊少皇都有出席,佢喺台上表示,以前認為網絡電影比院線電影會遜色,但現在看來其實只是換了一個平台,製作上同電影沒有太大分別。

陳浩民
樊少皇

陳浩民
錢小豪都有出席!