1111

《頭文字D》拍續集?周杰倫余文樂去華嫂撐枱腳

改編自經典同名漫畫的2005年電影《頭文字D》,唔止票房賣座,仲幫助周杰倫拿下金馬獎最佳新人獎!今日周杰倫和余文樂齊齊現身中環,現場唔止出現咗一架白色嘅舊版及新版AE86,周圍也有工作人員在拍攝,咦!唔通《頭文字D》計劃開拍續集⋯

撰文:東方新地|圖片:東方新地、微博圖片


《頭文字D》拍續集?周杰倫余文樂去華嫂撐枱腳

周杰倫和余文樂今日現身灣仔華嫂冰室,現場有大批工作人員,還有幾部攝影機,又出動了航拍機。唔少遊人及市民都紛紛上前圍觀!周杰倫都好NICE,不時跟fans揮手打招呼!

頭文字D
周杰倫同余文樂05年拍《頭文字D》,估唔到13年後二人再度合作,令人相當期待!


周杰倫呢日著住牛仔外套黑色褲,而余文樂則著上黑色外套牛仔褲,兩人衣著打扮休閒,仲不時有傾有講!

頭文字D
周董同Fans揮手,好nice!

頭文字D
兩位型男都等埋位時,不停吹水!

睇真啲!門口仲停咗舊版及新版AE86,唔通《頭文字D》計劃開拍續集?


之後周杰倫和余文樂入冰室拍攝食野,周杰倫剛開完紅館個唱,相信可以盡情地吃!拍攝完後,二人去了中環繼續進行拍攝!

個個都睇拍戲⋯

到咗近3時許,周杰倫和余文樂一同步出冰室,二人上車往中環石板街繼續拍攝,沿石板街一路行又跟檔主傾談,沿途逼爆看熱鬧的途人。



其實今日下午已有網友在微博貼出周杰倫和余文樂嘅相照片中,據該網友講,當時余文樂揸住架AE86帶周杰倫離開,網友已經紛紛猜測係咪計劃開拍《頭文字D》續集!



05年上映的電影《頭文字D》,由劉偉強和麥兆輝擔任執導,周杰倫、黃秋生、余文樂、杜汶澤、陳冠希等主演。電影改編日本漫畫家重野秀一所編繪的漫畫作品《頭文字D》,當時在香港票房勁收3786萬港元,為年度華語片冠軍。


13年前,《頭文字D》上映,票房相當賣座,周杰倫拿下金馬獎最佳新人獎,如果真係開拍續集,相信好多人都會支持!