鍾嘉欣

鍾嘉欣夏威夷度假 低胸波點裙勁吸睛

鍾嘉欣2015年同脊醫Jeremy Leung拉埋天窗,婚後誕下可愛女兒Kelly(梁愛晨),之後一直長居加拿大,間唔中先返香港接吓job同大家見見面。鍾嘉欣早前宣布成功追到第二胎,開live分享懷孕心情,仲大爆懷孕係「一擊即中」,老公Jeremy果然厲害!今日鍾嘉欣同大家分享兩張靚相,表示同屋企人喺夏威夷度緊假,於相中所見,大肚婆嘉欣身形依舊弗到漏,著條低胸裙勁吸睛,名副其實係真女神呀~

撰文:東方新地|圖片:IG


鍾嘉欣成功懷第二胎

鍾嘉欣早前透過FB證實喜訊,宣布成功懷第二胎,佢上載一家「四」口的合照及超聲波照片,仲寫咗一大段感言多謝唔同人,同時宣布會離開加盟了13年的TVB

鍾嘉欣
鍾嘉欣透過FB親證喜訊,目前懷孕三個月!

鍾嘉欣
懷孕三個月的鍾嘉欣,還貼了超聲波照片!

鍾嘉欣向來喜歡小朋友,一直都希望為女兒Kelly添個弟弟或妹妹,其實有指鍾嘉欣懷第二胎未夠三個月,本來唔想公開住,由於再次做爸爸的Jeremy實在太過興奮,已經忍唔住同街坊及病人報喜!

鍾嘉欣與女兒Kelly
鍾嘉欣與女兒Kelly

鍾嘉欣女兒Kelly依家歲半,非常可愛!

鍾嘉欣夏威夷度假

鍾嘉欣今日喺社交網上載兩張靚相,相中可見大緊肚嘅嘉欣依然靚靚,睇落完全唔似有咗,皆因佢不單身形依然纖瘦,就連招牌瓜子臉亦都喺度,一啲都無一般懷孕會出現嘅水腫情況,真係羨慕死人~一面幸福笑容嘅嘉欣同三個唔同大細但同樣寫有「LOVE」字樣嘅氣球合照,並留言話:「Family trip to Kailua Beach,Hawaii.Sending lovelovelove’s to everyone:).(家庭旅行去夏威夷凱盧阿海灘。發送愛給大家)」相信大家都收到嘉欣嘅愛喇!