眼鏡娘

眼鏡娘無得輸!除咗馮盈盈仲有佢哋…

《果欄中的江湖大嫂》正在熱播中,劇中馮盈盈將MK妹演繹得非常神似,但原來佢戴副紅色方框眼鏡做「眼鏡娘」都非常正,甚至有網民讚佢靚過當年的黃智雯!唔少人都對眼鏡娘情有獨鍾,覺得女仔戴眼鏡添了一份知性美、多了一分可愛,以下六位演過眼鏡娘的女藝人,你最鍾意邊個呢?

MK小狼女 馮盈盈

早前一集《果欄中的江湖大嫂》中,講述馮盈盈去醫院向一位黑社會老大套取情報,所以由MK妹打扮換上西裝假扮專業人士,再加番副紅色方框眼鏡!只見盈盈輕輕用手一托,「眼鏡娘」味道出晒嚟!




《果欄中的江湖大嫂》係馮盈盈第一套參演的電視劇, 不過演出令人驚喜,加上盈盈向來被指有啲「MK」、「港女」feel,所以今次小狼女呢個角色真係好適合佢!



四眼Miss 岑麗香

馮盈盈喺《江湖大嫂》中只係客串眼鏡娘,女主角岑麗香就唔同啦,劇中飾演老師的香香全劇都戴住眼鏡。雖然跟以往造型好唔同,不過香香公主依然係咁靚女, 多咗份書卷味!


呢個小背心打排球look真係無得輸!唔知大家覺得香香呢個眼鏡娘造型如何呢?


千金愛人夫 陳敏之

陳敏之早前喺《溏心風暴3》中飾演一位性格文靜的千金小姐,架上黑色方框眼鏡,散發著一份知性美。角色外表看似成熟穩重,但原來甘願為愛犧牲一切!


《溏心風暴3》播出時其實口碑一般,不過敏之搭上人夫唐文龍呢條線極具話題性,敏之濕身透Bra一幕夠經典,而演活賤男的唐文龍亦人氣急升!



當時真係連續好幾集都係睇敏之肉搏唐文龍,睇到觀眾面紅耳赤…



鵪鶉妹 黃智雯

黃智雯近日喺《三個女人一個「因」》中表演亮眼, 其實佢都係其中一個令人印象深刻的眼鏡娘!黃智雯早年喺劇集《搜下留情》裏飾演「鵪鶉妹」雯雯,一把長髮加上紅色粗框眼鏡成個學生妹咁,青春可人,非常討好。


可能係見觀眾受落,黃智雯之後喺劇集《潛行狙擊》重施故技,呢次換上黑色粗框眼鏡,仲玩埋制服誘惑, 一次過滿足晒男士們不同需要~


另外,多年來都有網民話黃智雯酷似日本AV女優橫山美雪,唔知大家點睇呢?

N N

立花老師 姚子羚

有名你叫「立花子羚」,姚子羚當然也是性感的代表。從剛出道在《四葉草》的演出已經是眼鏡造型,傻更更四眼妹角色非常得人鍾意~


子羚其後在不少劇集中都有戴上眼鏡出演,《天天天晴》中的紅框眼鏡造型更是經典之作。


久唔久就會睇到有人話邊個邊個女藝人同日本AV女優撞樣,多年來唔少網民認為子羚酷似AV女優立花里子,所以稱呼佢做「立花子羚」,以子羚為性幻想對象……

N N

億萬人妻 林夏薇

講起林夏薇,除咗佢係林峯堂妹,最經典一幕必定係劇集《乘勝追擊》中的性感演出!佢在劇中第一集立即半裸上陣,戴上眼鏡添了一份溫文儒雅的感覺,加上露出完美鎖骨和白滑肌膚,讓觀眾不禁想入非非!

林夏微露出性感鎖骨,大晒火辣身材。

男士們會否覺得場景似曾相識?

林夏薇只用雙手掩胸,更加引人暇想。


林夏薇係小編幾鍾意的一個女藝人,擁有漂亮五官,笑容可愛甜美,雖然已為人妻,都不時騷吓弗爆body俾大家睇!唔係波濤洶湧,勝在夠晒平均,皮膚又白又滑, 正~