香港電影金像獎

香港電影金像獎大清算 細數38屆之「最」

第38屆香港電影金像獎喺4月14日舉行,今年的競爭十分激烈,到底邊個會成為今屆嘅影帝影后?各奬項會花落誰家?當晚各有分曉!而作為電影迷,對呢件香港影壇嘅盛事又有幾了解?喺歷年嚟得獎、提名嘅名單上,邊個提名得最多影帝?邊套戲攞過最多獎?邊個攞得最多次影后……等等,今日就嚟個金像獎38年大回顧啦!

原文:新Monday|圖片:新傳媒圖片庫、金像獎FB

歷屆金像獎 攞「最佳女主角」最多次嘅演員

曾喺9次提名中有5次封后嘅張曼玉,成為最多次數嘅金像獎影后,當中《甜蜜蜜》、《阮玲玉》等更係其經典代表作。

香港電影金像獎

入圍「最佳女主角」最多但從未獲獎嘅演員

鄭秀文曾經7次提名金像獎「最佳女主角」,而喺第21屆中更試過憑《鍾無艷》、《同居蜜友》同《瘦身男女》有3個提名,不過嗰年最後由張艾嘉(《地久天長》)攞咗。

香港電影金像獎
鄭秀文

入圍「最佳女主角」最多次嘅演員

張艾嘉都曾11次獲提名金像獎「最佳女主角」,包括今屆《相親相愛》,當中曾2次得獎。

金像獎
張艾嘉