謝天華

謝天華宣布喜訊 45歲Laughing嫂再度懷孕

謝天華05年就同圈外女友李天恩(Tina)結婚,2014年Tina以42歲高齡懷孕,今日天華就喺微博公佈太太再度懷孕,天天要做哥哥了!恭喜晒!
撰文:東方新地


謝天華宣布喜訊 45歲Laughing嫂再度懷孕

天華今早11時,於微博貼出一張超聲波圖片,佢好開心咁留言話:「今年將會迎接家裏的新成員,感恩感恩天天要做哥哥了也辛苦了媽媽。」

謝天華
謝天華再做爸爸了!

謝太高齡再懷孕會好辛苦,所以最後天華不忘寫上「I love u」送俾老婆,抵讚!

謝天華



謝太不時分享囝囝近況,之前佢放咗一幅父子合照上微博,仲寫住「你們…贏在起跑線,我們…漫步人生路!」讚完阿仔係人生贏家,再冧埋老公,一石二鳥,高招!呢張相同之前差唔多,都係離遠影,不過可以見到飛飛已經大個仔,識得企穩玩波波,而天華就跪低幫阿仔影相,好有愛!


天華同老婆一放假就會帶天天周圍去,仲會同其他星二代一齊玩,好似梁浸浸、應采兒囝囝Jasper、洪天明細仔JT等,等天天細細個已經有自己朋友圈子。



睇返天天細個啲相,真係同天華一個餅印,簡直係迷你大天二,笑起上嚟肯定學爸爸一樣咁受女仔歡迎呀!


10