朱晨麗

朱晨麗為《棟仁的時光》苦練鋼管舞 細數TVB女星經典鋼管舞表演

朱晨麗喺無綫新劇《棟仁的時光》劇中飾演鋼管舞女郎,暗戀男主角袁偉豪,佢透露為咗劇中多場鋼管舞戲份,曾經跟老師苦練咗幾個月舞,練到手腳都瘀晒:「因為要將成個人凌空抽起,要好大手力先得,所以仲要練埋啞鈴!」

撰文:東方新地|圖片:新傳媒圖片庫、朱晨麗IG

朱晨麗 每日狂舉啞鈴

朱晨麗新劇《棟仁的時光》中飾演鋼管舞女,佢大呻拍呢套劇加埋《特技人》令佢練到成身肌肉:「尤其係《棟仁的時光》入面我要跳鋼管舞,需要用好大力量去夾住鋼管,所以跳嘅時候好痛,為咗練手力,我仲特登買咗兩個啞鈴返屋企,朝早起身或者訓覺前都舉百幾下,練到手腳都瘀晒,真係好佩服鋼管舞者,除非開續集,唔係我真係唔想再跳!」

朱晨麗

朱晨麗
苦練數月鋼管舞,朱晨麗練出一身弗爆肌肉。

朱晨麗在《棟仁的時光》中飾演Hailey Mok莫熙蓮,除咗係酒吧跳鋼管舞嘅舞者,仲係鋼管舞教室嘅創辦人,暗戀幼時同佢一樣係孤兒嘅男主角袁偉豪。

袁偉豪 朱晨麗