能見真優華

能見真優華激似佐佐木希!日本最索女醫生?

無論睇《妙手仁心》定《On Call》,入面班醫生護士個個都型男索女,大家都明白現實中係唔可能啦… 原來唔係㗎!日本就有位超靚女醫科生能見真優華,仲要同女神佐佐木希激似樣,佢除了係校內風頭躉,連中、台、韓多地的男士們都爭住想搵佢睇病呀!

撰文:東方新地|圖片:Instagram


日本女神佐佐木希

先講佐佐木希,日本著名模特兒兼演員,多年來無數次入選啲乜乜美女排行榜,出晒名的女神!現年30歲的佐佐木希去年與諧星渡部建結婚,今年3月更宣希懷孕!不知令幾多男粉絲心碎 …



佐佐木希與老公渡部建。

經典內衣廣告

小編猶記得佐佐木希為Uniqlo拍攝內衣廣告,激罕大晒白滑玉背,身材勁弗,完美的健康性感,男男女女都激讚!


呢個廣告真係無得輸…


日本最索女醫生?能見真優華!

好啦講返嗰位同佐佐木希撞晒樣的女醫生,出生於1993年的能見真優華今年25歲,為日本東海大學醫學部學生,擁有一雙迷人大眼睛,少少包包面及甜美笑容,靚樣激似佐佐木希!喺校內風靡萬千男生就唔使多講啦,最勁係真優華於於日、中、台、韓等地都有唔少粉絲,現時其IG就有超過27萬的followers,非常厲害!



能見真優華正努力修讀醫科,閒時都會兼職做模特兒,唔好浪費靚樣嘛!不過真優華目標明確,一心希望成為一位專業的醫生,唔會加入娛樂圈。小編都好想搵佢睇病…