郭富城

郭富城珠海換車牌 遭爆相爆簽名

郭富城(城城)日前現身珠海車輛管理所辦理證件事宜,全程笑笑口任粉絲集郵,表現勁親民,但卻被二手車商「抽水」做宣傳,聲稱城城向其購買咗架二手七人車,另有地產商指城城專程到珠海買樓,又有代辦「中港牌」嘅中介公司,指城城現身係為咗申請穿梭港珠澳大橋嘅「中港牌」,但原來事實係城城只係去換領內地車牌,對於城城嘅證件相同文件上嘅簽名被曝光,城城嘅經理人小美怒斥:「絕對係侵犯私隱!」

撰文:東方新地|圖片:網上圖片、郭富城IG


郭富城 被瘋狂抽水

一次換車牌事件,引來珠海市各方人馬瘋狂「抽水」老作,其實「珠海交警」官方微博早在上月28日已發文表示郭富城當日現身車管所,只係為咗「換領內地駕駛證」,並指佢喺審核資料後,就到咗審驗教育學習室參加安全教育學習課程,學習交通法規等知識,並進行宣誓,全程花約40分鐘。

郭富城
城城換證期間被粉絲認出,佢都好親民咁笑晒同粉絲合照,表現勁nice。

郭富城
仲應粉絲要求舉埋V㖭!

事後卻有網友爆出城城換領車牌時嘅證件相同文件簽名,雖然粉絲都大讚佢52歲依然保養得宜,更有眼利網民指出城城原來有兩個簽名模式,一個係同粉絲簽名時嘅專屬,一個就係私人用途。

郭富城
不過城城坐喺車內嘅相,就慘被二手車商抽水,屈佢買咗架二手七人車。

郭富城
只係去換個內地車牌,城城就畀人拍相拍片,仲老作埋佢買樓又買車,網民笑指佢好快就會買起晒成個珠海!

但城城嘅經理人小美就非常不滿,表示:「有關城城的證件照及其他資料被胡亂刊登,當然很不快及不滿,絕對是侵犯其私隱!我只能說,城城日前只是去處理一些駕駛執照上的事宜,至於網上胡亂的報道,全是一些渾水摸魚之徒缺德的創作,不想回應!」

郭富城
城城嘅證件相被網民公開,網友都大讚城城keep得勁好。

郭富城