孕媽

宋熙年懷男胎 陳智燊笑言:我父母想抱孫女

結婚兩年,宋熙年同陳智燊呢一對襯到絕一絕的小夫妻上月初終於自爆喜訊,宣布陀B成功。懷孕進入中段,孕媽宋熙年日前就同陳智燊以恩愛夫妻檔出席活動,宋熙年又透露BB性別係男仔,仲話雙方父母對抱孫都覺得好開心,但陳智燊就玩踢爆:「我呢邊都係兄弟,父母比較想抱孫女!」

撰文:東方新地|圖片:新傳媒圖片庫、陳智燊宋熙年IG

宋熙年 爆陳智燊勁緊張

陳智燊和宋熙年以恩愛夫妻檔出席新車發布會,兩人笑言已經準備咗好多迎接BB嘅嘢,又表示唔介意用二手嬰兒產品,講番剛開始知道懷孕時嘅心情,兩人都話好無助:「因為未夠三個月,唔可以話畀任何人知,唔可以問其他人。」所以當時陳智燊都是依靠網上嘅資訊來照顧老婆。

宋熙年
陳智燊和宋熙年話已經準備咗好多迎接BB嘅嘢。

宋熙年又透露胎兒性別係男仔,仲話雙方父母對抱孫都覺得好開心,不過陳智燊就笑言:「我呢邊都係兄弟,父母比較想抱孫女!」

宋熙年
陳智燊自嘲中文唔好,所以仲未為BB起中文名,可能要請教一下其他人,但英文名就將會由佢自己改。