馮盈盈

行老銅歎雪糕 馮盈盈 為食樣出晒嚟!

時代唔同,家陣做港姐唔使下下大方得體高高在上咁嘅,好似馮盈盈咁貼地又敢言、間唔中少少鹹多多趣講吓有味笑話,原來一樣得網民鍾意,就係貪佢夠真性情。

撰文:東方新地|圖片:新傳媒圖片庫、馮盈盈IG


馮盈盈 貼地真性情

小編都好欣賞馮盈盈唔作狀得嚟又有性格,簡單到大熱天時買杯雪糕食,換著第二個電視台小花,肯定戴晒黑超遮遮掩掩,係馮盈盈至同你同我都一樣,一見到咁多款雪糕,雙眼發晒光四萬咁口開心到唔知點揀。畀完錢攞上手,乜嘢港姐規條靚女儀態都抛諸腦後,第一件事梗係擺啖落口試真啲個味先啦!至先至係食雪糕吖嘛!

馮盈盈

生得高大又靚女,又鍾意行人多車多嘅銅鑼灣,馮盈盈在人群中好出眾,連同性都相吸向佢眼望望!

馮盈盈


24歲女,最真實一面之唔係對住幾十款雪糕唔知點揀好個樣囉!睇住馮盈盈目無旁人、望住雪糕雙眼發光個樣,成個為食樣出晒嚟,其實係可愛嘅。

馮盈盈

剛剛買完盒蛋糕、隻手攞住杯雪糕,馮盈盈畀完錢對眼都係唔捨得離開雪糕櫃,女人個個眼闊肚窄是常識吧!

馮盈盈


馮盈盈最大優點就係自然唔作狀,大熱天時唔理他人眼光,最緊要歎番杯至愛雪糕先。

Crystal Fung(@crystalfyy)分享的貼文 張貼

馮盈盈 傳統名校畢業

2016年的香港小姐競選冠軍,常常被網民稱為FYY的馮盈盈,其「貼地」的形象深入民心,馮盈盈畢業於香港大學食物及營養系就人人都知啦,原來佢都係讀地區名校㗎!Crystal中學時就讀深水埗寶血會上智英文書院,雖然就同名牌中學女拔嗰啲無得比,不過佢讀書都好叻,入到港大!

60

寶血會上智英文書院是一間天主教女子中學,以英文為教學語言,其他校友包括歐陽妙芝及魏綺珊等。畢業後,入讀港大營養學系。真係美貌與智慧並重啦!


港姐2018


馮盈盈再度語出驚人 節目中透露第一次約會有幾濕?!

馮盈盈久唔久就會貼地爆肚,中point之餘又夠哂抵死,都係節目《後生仔傾吓偈》大受觀眾歡迎嘅原因之一。早前馮盈盈就喺節目度講「人生的第一次」,仲話初戀約會就「濕晒」,結果就畀麥明詩醒目抽水!想知係點濕?一齊睇下喇!

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈,高智慧抽水王麥明詩,同埋要幫佢兩個兜嘅陸浩,呢個3人組真係配合得天衣無縫!最近,節目講關於「人生的第一次」嘅話題,而出哂名嘅爆肚王馮盈盈就喺節目中再次爆肚,講返第一次約會嘅情況!


首先,馮盈盈就個話題搶先話自己記得當年第一次嘅約會,聽到咁,好奇心極重嘅陸浩就緊係追住嚟問佢問題啦!

結果,馮盈盈爆響口話自己初戀係19歲,之後開始講番自己首次約會嘅情況,提到當時約會嘅時候都仲未係男朋友。


馮盈盈第一次約會「濕晒」

馮盈盈可能回憶緊第一次初戀約會嘅回憶,愈講就愈緊張,愈嚟愈就口窒窒咁,仲話約會當晚就一齊咗,然後就拖手,話自己睇落表面好似好平靜咁,但實際內裹就好緊張,所以勁多手汗!


佢仲話:「到隻手啲汗已經滴緊落地下。點知要拖手喎,真係想死。」

馮盈盈話:「嗰陣已經係抹乾晒都繼續濕嘅程度,搞唔掂。」聽落咁都真係幾嚴重下。


濕完又乾,乾完又濕嘅馮盈盈,就繼續停唔到口咁繼續講落去自己對手有幾濕嘅情況。


麥明詩智慧抽水

聽到呢度,麥明詩終於忍唔住口要抽一抽佢水,講番句:「總之我聽到你係咁濕啦⋯⋯」


被麥明詩乘機抽咗一下水嘅馮盈盈就梗係唔尷尬啦,繼續講:「濕晒,個地下都濕埋,點知佢拖完就話好濕,我話係呀,我掂到男仔手就會緊張。但係嗰刻佢好浪漫,話唔緊要無問題我鍾意。」


Crystal Fung(@crystalfyy)分享的貼文 張貼

Crystal Fung(@crystalfyy)分享的貼文 張貼

Crystal Fung(@crystalfyy)分享的貼文 張貼

Crystal Fung(@crystalfyy)分享的貼文 張貼


Crystal Fung(@crystalfyy)分享的貼文 張貼

Crystal Fung(@crystalfyy)分享的貼文 張貼