陳冠希

陳冠希愛女變潮童 一歲已成身名牌

上年3月,陳冠希(Edison)模特兒女朋友秦舒培誕下一名女兒Alaia。近日,Edison帶同已一歲的囡囡去法國巴黎睇秦舒培行貓步,並親自為愛女化身潮童,差啲搶咗媽咪鏡!

撰文:東方新地|圖片:Instagram-陳冠希秦舒培


陳冠希帶愛女睇時裝騷

近日,陳冠希(Edison)帶同1歲寶貝女Alaia飛咗去巴黎睇其女友秦舒培行catwalk。從Edison上載嘅相中可見,Edison手抱愛女,唔知係咪見女友出場,Edison笑到四萬咁口,十分開心。另外,囡囡Alaia亦同樣眼定定咁睇場時裝騷,認真識貨!

山長水遠飛到巴黎睇女友行騷,Edison就緊係要影低秦舒培行貓步一刻,拍片擺上網外,仲sweet爆留言叫女友做「MY QUEEN」,放閃指數爆燈。


陳冠希愛女變潮童

現時37歲的Edison自從升呢做老竇後,就變成潮爸。佢當然唔會放過任何一個為愛女Alaia打扮嘅機會。原來喺出席時裝展前,Edison就同Alaia裝身,著上一身潮牌,立即成為真潮童!

秦舒培上年3月為陳冠希誕下愛女Alaia,有女萬事足嘅Edison不時都放相上個人社交網,同大家分享湊女之樂。


Edison更會帶埋女友同囡囡一齊去睇球賽,共享天倫之樂。

其實,有Edison呢個潮爸,仲有一個做模特兒嘅媽咪,無論要做潮童定模特兒,都一定係件非常輕易嘅事!


今年3月,二人就為Alaia搞咗個生日派對,囡囡有咁多人錫,真開心!


秦舒培貼父女照 賀陳冠希37歲生日

上年10月陳冠希生日,他和秦舒培到上海,二人雖有工作在身,但仍不望抽空陪愛女Alaia。要B女一齊坐飛機,全因Edison想在10月7日生日當天有女兒陪在身邊!秦舒培更於IG大貼Edison父女照,並以留言「Happy birthday my man」送上生日祝福。

陳冠希-收心養性樂變女兒奴1


與陳冠希賀生日的除了女友和囡囡,亦少不了各方好友。在熱鬧的生日飯局中,秦舒培與男友影形不離,相當恩愛。

陳冠希-收心養性樂變女兒奴2

榮升人父陳冠希:「以家庭為先」

誰想到情史豐富的陳冠希竟有做爸爸的一天呢?自女友於本年3月誕下愛女Alaia以來,Edison續漸化身成女兒奴,經常替愛女打扮,更一改以往性格,大方與網民分享當爸爸的快樂。一副慈父look的陳冠希對女兒呵護有加,時常親手抱女,他的這一面,相信在Alaia出世前從來未曾嚗光!

陳冠希-收心養性樂變女兒奴3