羅霖

【深宮計】畀陳煒狂摑 羅霖:啲眼淚不停流出嚟

52歲美魔女羅霖(Candy),五年多前與前夫劉坤銘離婚,原本養尊處優的富太太,為了生計及三個兒子,復出幕前,出寫真、拍情慾片、做生意、中港兩邊跑出席活動搵銀。

羅霖接受本刊訪問,說其前半生一帆風順、從未遇過挫折,出生時是「七星妹 」自小萬千寵愛,任職空姐的那些年專責頭等機艙,薪優糧準見識廣。選美得冠軍,未幾轉投大台拍劇,演《真情》癡情「雙雙」紅極一時,其後嫁予富商劉坤銘,連中三元生三子,從此過著豪門闊太生活⋯⋯


不料至47歲之齡突宣布結束十六年婚姻,並重投幕前,「真真正正挫折就係離婚,仲要到咁嘅年紀⋯⋯我從來都無諗過我要一個人擔起頭家、養三個仔,呢啲都係現實環境迫出嚟。」羅霖說。說時眼眶雖閃著淚光,但淡然一如訴說著別人的故事,或許就如羅霖所言,堅強都是磨練出來的。

撰文:東方新地|圖片:新傳媒圖片庫、羅霖IG

羅霖 拍劇捱病

翻查資料,羅霖當年於《真情》演「雙雙」,與「阿海」黃智賢的一段情大受歡迎。但有傳她成婚後,因其夫壓力迫於退出劇組,就連結局也不讓她埋尾,有網民至今仍嬲豬遺恨。廿年沒拍劇,去年再拍無綫出品《宮心計2深宮計》,「好多謝(監製)小青姐肯用我,我無拍過古裝,又退出咗十幾、廿年無拍劇,參與呢部劇之前,我問過米雪姐,佢之前拍過《宮心計》,米雪姐同我講:『記得背書!』古裝劇本一個字都唔改得,改咗啲語氣就唔同。第一場戲講我畀宮中侍衞審,無得睇人點做,佢哋又惡,嚇到我唔記得對白,我以前唔使點NG,我同自己講『畀心機,冷靜落嚟。』其實冷靜落嚟就得㗎嘞。米雪姐仲同我講古裝講嘢一定要慢,你知我屋企有三個仔,平時嗌佢哋食飯、沖涼、做功課,我慣咗講嘢快,講嘢慢真係考起我,我不斷喺屋企練習⋯⋯」


羅霖

復出以來,最常接的工作是司儀、廣告、活動剪綵,間中也拍電影,52歲再拍劇,還要是無綫出品,最難適應是作息時間,還有肉體勞損的辛酸。「宮廷戲好多時要企,有時要企十幾個鐘,好多人一齊企,要企得好直、好齊,我做 空姐嗰時腰有舊患,拍完兩個月,我晚晚要貼膏貼。古裝綿鞋好薄,試過由朝早八點跪到夜晚,腳甲瘀晒,半年先生番出嚟。古裝化妝整頭要三個鐘,第一日百幾個人一齊拍,拍完得兩個人拆頭,每個要拆十至十五分鐘,排隊都排一個鐘⋯⋯」

羅霖


八日通宵破紀錄

「好多時得幾個鐘頭返屋企沖個涼又再拍,試過八日通宵,破咗我自己紀錄,同時我咁嘅年紀。其中一晚喺雲泉仙館拍,嗰晚得五、六度,貼晒暖包都唔夠,凍到個人僵晒,拍完發燒、感冒,但第日仲要再拍,我叫醫生畀啲特效藥我頂住。當時無時間返屋企,試過凌晨四點收工,六點幾又再開工,我細仔六點起身,我等唔到,佢有啲中文功課唔識做,我惟有扮佢啲字幫佢做。有時明明我有一個鐘可以瞓,又要幫佢默書,教佢功課。」

羅霖

陳煒大力打

劇中飾管理珠寶的尚宮,跟太醫袁文傑有感情線,「我角色係忠,但好多場戲都要嗌交,試過跪住嚟嗌,同被太平公主(陳煒)掌摑,陳煒好錫我,摑咗我兩次,都就住,個武指話唔似,跟住陳煒話:『我唔會錫住你㗎嘞。』真係好大力打落嚟,我啲眼淚不停流出嚟,諗起呢幾年單親媽媽嘅經歷,湧晒出嚟,喊到停唔到。」


深宮計
畀陳煒狂摑!



深宮計
同太醫袁文傑有感情線。

羅霖


為錢拍性感戲

出過寫真、拍過講姊弟戀床戲的《愛·尋·迷》,在不少人心中奠定了性感路線,「舊年有部投資都幾大,法國導演執導、喺法國拍,講同性戀,需要性感露點,我諗深一層,都拒絕咗,因為我唔想作為一個媽媽有呢啲演出。嗰時我出寫真其實唔係以性感為主,唔係想畀人睇我keep得幾好,我係想鼓勵女性同單親媽媽,無論去到咩嘅年紀,都可以自強同企番起身,電影 (《愛·尋·迷》) 坦白講我係為咗錢,因為當時我需要錢養小朋友。」

羅霖
電影《愛·尋·迷》劇照


羅霖不諱言出寫真後曾獲飯局邀請:「有嘅,但飯局都唔啱我啦,留番啲後生啦!」

羅霖

半百之齡出寫真,成全城熱話,就連英國《每日郵報》亦有報道。但亦不乏人質疑她後天加工,羅霖卻強調:「我幫美容院做醫學美容代言嗰時,有打過蛋白溶線,令到面啲、有收緊效果,唔知咁算唔算?但我覺得真正加工係做手術,有外來嘅物體入去。」

羅霖


代理紅酒生意並親身上陣拍廣告,年輕內地追求者J君追到法國,自薦做男模合拍婚紗照,羅霖話:「我未影過婚紗相,難得公司畀錢我去到古堡咪影。」

羅霖

羅霖指拍《深宮計》另一難度源於自己從未拍過古裝:「米雪姐教我古裝對白要背五十次,頭嗰二、三十次,背熟句子,跟住十次加感情,最尾十次加動作。原來古裝同人講嘢係唔需要望人,因為要矜持,第一場我唔知,睇番Playback見到自己個頭猛擰至知。」

羅霖


羅霖爆《深》監製梅小青出名要求高:「衫唔可以歪、條鏈唔可以歪,一歪咗就要重拍,一條頭髮絲都唔可以跌落嚟,拍完廿幾個鐘,我覺得有成樽噴髮膠喺頭度。」

羅霖

索爆美魔女寫真

羅霖現52歲,是1991年亞洲小姐冠軍,於2015年推出首本寫真《Timeless》,以50歲美魔女為賣點,書名《Timeless》是不是就是想告訴大家女人的美貌是不受時間限制的、不朽的呢?雖然當時惹來一些執相疑雲,但無可否認寫真裏散發著自信的女人魅力。

羅霖


羅霖

羅霖


羅霖這本個人寫真集專誠飛到首爾取景,更請來曾為金宇彬同池昌旭等著名韓星合作嘅攝影師操刀拍攝。羅霖表示相集並無任何添加,非常natural,以真面目示人!

羅霖

羅霖


羅霖

羅霖


羅霖