姊弟戀

盤點9對娛樂圈姊弟戀 成熟穩重更重要!

現時48歲的陳松伶憑無線新劇《福爾摩師奶》重回公眾視野,原來松松喺現實中遇上比其年輕8年的暖男張鐸,而且更修成正果。綜觀過去娛樂圈,其實亦有不少姊弟戀例子最終能花開結果!依家就同大家一齊睇下有邊幾對其實都係姊弟戀啦!

撰文:東方新地|圖片:新傳媒圖片庫、Instagram、微博


|陳松伶、張鐸

現時48歲的陳松伶憑無線新劇《福爾摩師奶》重回公眾視野,在劇中飾演精明女神探,在劇中婚姻不算如意,幸然現實中的她則遇上比其年輕8年的暖男張鐸!


07年她接拍內地電視劇《血未冷》,邂逅比他小8歲的同劇演員張鐸,兩人一拍即合,松松曾言:「他是一個很傳統很認真的中國男人,也是一個暖男,而且成熟可靠。跟他一起會感到安心。」


然而,松松曾憂慮「姊弟戀」而婉拒對方,但因對方堅決表示「其實沒甚麼好怕」,給予她勇氣去發展這段戀情。雖然有年齡差距,但女的單純,男的早熟,思想溝通並無問題。不被看好的姐弟戀,終修成正果,二人於2011年註冊結婚。

9e7fac3cjw1f8akuyll2mj20zk0qo7b0


老公張鐸暱稱老婆叫「松公主」, 結婚多年,二人不時在微博恩愛放閃。至於松松,亦曾甜蜜表示:「無論我搬到邊,那個男人就是我的家,我一輩子都會牽著他的手走下去」,相當甜蜜!


|鄧麗欣、邱勝翊

上年7月就爆出今年36歲的鄧麗欣(Stephy)與29歲前台灣男團Lollipop棒棒堂成員邱勝翊(王子)戀愛中,而早前Stephy亦終於大方認愛!

姊弟戀


據了解,呢段相差6年嘅戀愛原來係因應采兒而起,皆因應采兒約飯局令二人認識。換句話,應采兒穿紅線,撮合咗王子同Stephy一齊!

姊弟戀

 


雖則呢場姊弟戀相差咗6年,但Stephy有信心話依家都2018年,大家接受能力都好高,叫大家畀啲空間佢哋咁話。

而唔少雙方嘅粉絲都係留言祝福Stephy同王子,雖然未知二人最終能否步入教堂,但聽到呢個消息,小編都為佢哋感到好高興!

View this post on Instagram

我要來了!

A post shared by 王子 邱勝翊 (@prince_pstar) on


|陳自瑤、王浩信

今年即將37歲嘅陳自瑤(YoYo)同35歲嘅老公王浩信都係姐弟戀,二人於2011年結婚,翌年YoYo誕下一女。

View this post on Instagram

Thanks for the birthday dinner!

A post shared by Vincent Wong 王浩信 (@vincentwong07) on

雖然二人最近就傳出7年之癢嘅婚變傳聞,但早前YoYo就表示兩公婆並無離婚,亦無分居,仲以「老夫老妻」嚟形容自己同老公王浩信嘅夫妻關係!


|蔡少芬、張晉

今年45歲嘅蔡少芬大過老公張晉1年,二人於2008年結婚,其後於11年及13年誕下女兒張楚兒及張信兒。

唔經唔覺二人已結婚十年,一家人亦不時於個人社交網分享溫馨家庭照,認真sweet爆!


今年張晉44歲生日,蔡少芬就肉緊錫錫老公,真係好閃呀!

兩公婆仲會喺囡囡生日會上,大扮獨角獸,認真有童真!


|謝安琪、張繼聰

而家41歲嘅謝安琪(Kay)就大老公張繼聰3年,二人喺2007年結婚,分別育有11歲嘅囝囝張瞻及1歲嘅囡囡張靖。

View this post on Instagram

Beautiful day ❤️

A post shared by 張繼聰 Louis (@louischeung2013) on

眾所周知,呢對夫婦最愛喺個人社交網po相兼互相留言,猶如指定動作,打情罵俏咁放閃,可謂係佢哋嘅日常情趣!


|楊怡、羅仲謙

今年39歲嘅楊怡就同老公羅仲謙相差5年,因拍《On Call 36小時》而擦出愛火,譜出姊弟戀,拍拖五年後,於2016年結婚。

婚後,楊怡基本上養尊處優,做個幸福人妻,近年少咗喺公仔箱出現。


今年34歲嘅羅仲謙可謂一名「愛妻號」,唔洗接job嘅時候就同老婆、岳母、媽咪、家姐一齊去旅行,名副其實係位愛屋及烏嘅好男人!

|楊千嬅、丁子高

44歲嘅楊千嬅大過老公丁子高5年,二人於09年喺美國拉斯維加斯秘密註冊結婚。

View this post on Instagram

晚飯時間 🍣

A post shared by Real Ting (@real_ting) on


結婚第3年後,兩人迎來首個「愛情結晶品」,千嬅誕下兒子丁進諾,依家已經6歲啦!

有個歌手老婆嘅丁子高一有得閒就會現身撐老婆演唱會,丁子高亦曾於千嬅演唱會中與老婆對唱,令老婆冧爆!

View this post on Instagram

Happy New Year 2018 #楊千嬅三二一go演唱會2017

A post shared by Real Ting (@real_ting) on

兩公婆平日有時間亦會一齊做運動,又去下旅行,放鬆身心,大家都有共同興趣,難怪無懼年齡差異啦!


|鍾欣潼、賴弘國

今年,37歲嘅鍾欣潼(阿嬌)與33歲有「醫界王陽明」嘅台灣整形醫生賴弘國結婚,令呢段姊弟戀兼異地戀成功開花結果!

二人於洛杉磯五星級酒店舉行的婚禮中,阿嬌多次喜極而泣!


View this post on Instagram

Happy birthday @m01yb46

A post shared by Q_gill (@q_gill) on

二人年齡相差4年,平日雖然較少po出合照,但偶已亦會上載甜蜜合照!

|鍾麗緹、張倫碩

今年48歲嘅鍾麗緹雖然曾經有過兩段失敗嘅婚姻,但亦無懼之前經歷嘅婚姻失敗,2016年決定與年紀比佢細12年嘅內地男演員張倫碩結為夫婦,並於北京舉辦婚禮。


據知,鍾麗緹與張倫碩因合作拍攝真人秀節目,而日久生情!


張倫碩與鍾麗緹雖未有親生仔女,但佢亦好錫老婆與前夫所生嘅女兒,大家相處非常融洽,經常四圍去旅行遊玩!