Grad Din造型不堪回首？ 網民列6大最攞命謝師宴囡囡
原文：環球膠報｜圖片：新傳媒、Instagram、YouTube截圖
Grad Din造型不堪回首？
1｜姊妹裙系列
唔知有冇朋友見過有啲女仔去Grad Din著得好誇張，有啲直頭著到好似要去結婚咁，大家都知尖沙咀同旺角都有唔少買「結婚裙」嘅店，唔少冋學仔都會著住條姊妹裙去謝師宴。
即係嗰啲紗質地、中間個粗蝴蝶結嘅裙呢！靚係靚嘅，但真心好易撞款撞埋色！小編當年真係見過有同學同枱撞到應呀！
2｜阿梅系列
「阿梅，你是最好的，你知道嗎？」20歲未夠嘅少女個個皮膚都好好，但佢哋嘅化妝技巧有時就掩蓋咗自己嘅長處。
好多女仔喺謝師宴都會唔小心化得太濃，搞到成個阿梅咁！一陣過多幾個鐘，個妝都溶埋，就真係嚇死人！
3｜行到似馬系列
個個女仔去Grad Din著到咁靚，冇理由唔配對高踭鞋啫，著咗真係修長啲嘛！但係好多人平時都唔點著，一著咗唔習慣，搞到行路成隻馬咁！
4｜阿媽嫁女系列
去Grad Din set頭係好重要嘅，話晒著到咁行，如果披頭散髮就真係唔多掂。但搵人set頭就千祈唔好搞到阿媽嫁女咁款喎，見過啲人成頭閃粉加髮膠真係冇眼睇！
5｜拖地長裙系列
拖尾裙係靚嘅，但謝師宴著拖地長裙，真係害人害己。
又冇人會幫你抽一抽佢，如果唔小心俾人踩到，仆喺地下就唔係咁好啦！
6｜緊身低胸系列
去Grad Din嘅絲打們當然想俾人讚靚，出盡辦法改變形象，但好多女仔都會揀啲貼身低胸嘅短裙，露得靚就叫性感，露得唔靚就係俗！
同場加映：
Grad Din經典重溫 一張相睇穿男神同毒L
近日有網友重溫經典Grad Din照，討論毒L同MK仔喺女神bb眼中嘅分別，相中見到呢位靚女谷到盡晒事業線，同啲男同學攬頭攬頸，呢班同學仔真有豔福！
一張相睇穿男神同毒L
你以為女神bb大方得體，對所有人都一視同仁？咁你就錯了！唔通真係如網友所講，露肉程度係同你靚仔程度成正比？
有網友大笑：
「靚仔程度同露嘅程度成正比。」
「your face your fate。」
「個毒L其實樣唔差, 係對眼無乜神。」
潮文片女主角
唔講唔知，呢位性感Grad Din靚女係當年討論區潮文、《一生只想尋找一個肯挨麥記的女人》嘅女主角米曹 Mitena Cho，當年被捧為女神。
依家佢都一樣咁靚女～
