Featureantm

42歲育有5子3孫 凍齡阿嫲成史上最老全美超模

最近無綫劇集《BB來了》引起唔少觀眾嘅共鳴,其中一個原因就係講到無數女人都喺懷孕後賭上事業、身材同樣貌呢個話題!但係天無絕人之路!現年42歲、育有五子三孫,凍齡嘅Erin Green唔單止入選咗第24屆《全美超級模特兒新秀大賽》(America’s Next Top Model ,簡稱:ANTM),最後仲取得佳績!

撰文:東方新地 | 圖片:InstagramANTM Facebook、《BB來了》截圖

42歲做人阿嫲 成全美超模大賽史上最老入圍者

老實講,唔少人都會有啲「生咗硬係差啲」、「生咗同未生點比啫」嘅諗法。事實止,做咗人阿媽的確好多嘢都唔同哂,20歲就已懷第一胎嘅Erin受訪時話,年輕時佢暫時放下夢想,希望盡母親嘅責任去養育小朋友,但係從來都冇打算放棄圓超模夢。

凍齡超模

剛好第24季嘅全美超模大賽取消咗年齡同身高限制,令Erin終於有機會報名參加,成為史上年齡最大嘅參加者。預賽時Erin已令一眾評審大為驚訝,樣貌身材都保養得超好,主持人更指佢完全係凍齡!

依家其實都44歲嘅主持人Tyra Banks都表示呢行嘅人過於執著於數字,而數字與美麗無關!已經係阿嫲級嘅Erin狀態大勇,一路殺到第十集,喺T台上發光發亮,仲以該季第六名嘅佳績完成大賽!