好人好事

劉青雲助子華都係冰山一角 娛樂圈好人好事多到數唔晒

黃子華是次棟篤笑《金盆𠺘口》中,每場都會喺尾聲分被貴人幫助的故事,其中子華分享與影帝劉青雲及發哥的往事,皆令人萬分敬佩!其實娛樂圈中好人好事真係多到數唔晒,以下事件都只係冰山一角,畢竟為善不欲人知,送上掌聲!

撰文:東方新地|圖片:新傳媒

娛樂圈好人好事多到數唔晒:

黃子華初出道 青雲貼心義氣相助

黃子華是次棟篤笑《金盆𠺘口》嘅尾聲時段,都會同大家分享吓被貴人幫助嘅故事,趁機會公開多謝呢啲朋友!事緣早年黃子華嘅棟篤笑騷都仲未係好賺到錢嗰陣,某次表演完,雖然未到尾場,但子華有啲朋友睇完演出就興高采烈咁叫子華去慶功,子華雖然心想平時都係尾場先慶功,不過朋友叫到人多開心嘛,就話好啦!

黃子華

於是子華與當時包括劉青雲等一行20幾人去食飯慶功,其實入面就得三、四個人係識嘅,但仲要食高級日本料理喎!子華話嗰陣一場棟篤笑唔係賺到好多錢,仲笑言:「都唔知啲日本人點解咁勁,發明樣樣嘢食都係咁貴嘅。」