李施嬅

入行15年 獲讚最美皇后|李施嬅:無因為無獎唔開心

李施嬅03年選港姐,入行15年,演技備受肯定,在無綫卻總似跟獎項無緣,今次接受本刊訪問,她就大談對獎項的看法、事業的追求,以及現階段對感情的期許⋯⋯

撰文:東方新地|圖片:新傳媒圖片庫、李施嬅IG

李施嬅 唔旘做人

問李施嬅15年用番嫲嫲改嘅原名,各方面有無好咗?佢回應:「我覺得有唔同,我自己個性格唔同咗,我以前好內斂、好收埋自己,依家積極咗、愛自己工作多咗,唔知點解、好奇怪。」有無問過改名師傅個名利唔利自己?「無呀,嫲嫲對我已經係好大嘅祝福,佢畀咩我、喺我身邊嘅時候都係好,佢畀得呢個名我,我覺得for我嚟講係好,佢亦都會祝福我。」

李施嬅

而講到最初參選港姐嘅原因,李施嬅表示:「嗰時好想去布吉,嗰年個trip係去布吉,同埋係好細個開始,每年都有人叫我去做嘅事,最初都無諗嘅,因為我讀書係讀business,細個係想做生意或者幫屋企手,但講講吓,覺得今年再唔做就唔會去做,所以就做囉。」選港姐時係冷門定熱門?「我嗰時係熱門,大熱倒灶,哈哈哈哈⋯⋯」