郭富城

撇女二人世界 郭富城 降呢冧老婆

上年被細22年內地嫩模方媛降服,郭富城由不覊天王變愛妻號兼慈父,下個月女兒Chant就滿一歲,有女萬事足的他,每提起女兒就心心眼慈父相表露無遺,不過,湊女幾緊要都好,郭富城亦不會冷待老婆,一有時間就製造機會冧妻,日前就撇甩囡囡,同老婆外出二人世界歎辣蟹,離開時仲十指緊扣拖到老婆實一實行去攞車,另一隻手就拎住大袋外賣,同一晚城城還充當攝影師幫老婆街拍,郭天王放下天王身份冧妻,可見城嫂地位幾咁超然,真係唔覺意都佢哋閃親!

撰文:東方新地|圖片:新傳媒圖片庫、郭富城IG方媛IG微博