高海寧

高海寧忽然同關詠荷撞樣 網民驚呼:激似娥姐!

近日,性感女神高海寧 (高ling)為TVB新劇《殺手》轉新look,嚟個髮型大改造,先將一個到膊頭髮剪短,兼染上一個新髮色,成個效果出嚟非常有新鮮感!不過,唔少網民見到就話佢個新look同關詠荷撞哂樣!真係有咁似?

撰文:東方新地|圖片:Instagram、Facebook、新傳媒圖片庫

高海寧轉新髮型

高海寧 (高ling) 最近為TVB新劇《殺手》轉新look,將原本到膊頭嘅頭髮一下子再剪短啲,兼換上一頭橙粉色的one-length新髮型,成個人望落感覺即時醒神哂之餘,仲要勁新潮!啱啱換咗個新髮型就梗係即刻影番幾張相同大家開心share吓啦!

唔止咁,高ling仲將近乎完成變髮嘅短片放上個人社交網,原來係燈光嘅照射下,髮型師將高ling個頭漂至金色。