巴士

被阿伯辱罵係狗 巴士司機霸氣一句KO 大快人心

其實無論係搭巴士、或者喺任何公眾場所,都會遇到啲人講嘢好大聲,驚死其他乘客聽唔到佢講咩咁,講真都真係幾無品!近日有個阿嬸喺巴士大聲講電話,巴士司機頂唔順開口叫佢細聲啲,點知有個阿伯幫拖,同阿嬸一齊鬧番個司機轉頭,結果司機大佬一句KO佢!

原文:娛聞樂|圖片:新傳媒、Facebook、Lihkg.com


上演巴士大戰

近日有位巴士司機喺Facebook專頁「西客之道 HIspitality」出post,話佢想叫個阿嬸乘客講電話唔好咁大聲,點知俾個阿嬸鬧返轉頭之餘,仲有個阿伯無啦啦衝出嚟做「護花使者」,出言辱罵,於是一場巴士大戰隨即展開!

巴士

司機斥女乘客大聲講電話

話說個阿嬸喺巴士一直大聲講電話,巴士司機忍唔住就叫女乘客降低聲量,點知女乘客反問:「我講電話阻到你咩?」,司機爆seed:「係呀,你滋擾到我揸車呀。你由車尾就嘈到車頭,樓上都聽得到你把聲,你一係就收線,一係就我停埋部車比你傾飽佢」。

巴士


阿伯做「護花使者」

點知有個阿伯無啦啦出聲幫拖,辱罵司機:「你開車就開車啦,巴士公司冇出糧比你咩」、「你狗嚟架咋,收得人工就做嘢啦」。

最近好似都幾多阿伯做「護花使者」……

巴士司機霸氣一句KO 大快人心

巴士佬即刻霸氣回應:「係呀,巴士狗揸車比狗搭呀,而家有邊位趕時間自己落車啦,我唔可以專心繼續揸車,唔好意思」。阿伯聽完之後落車,巴士佬就問:「靜啦嘛?我繼續開車」。


唔少網民紛紛留言,力撐巴士司機,大讚佢嘅行為「大快人心」、「司機好型呀」、「霸氣」、「學到嘢,向同業致敬」:

 







延伸閱讀:

火爆巴士佬用粗口叫阿婆上車

成日都話咩巴士佬、的士佬、小巴佬都好鬼火爆,不過今次呢單巴士佬用粗口話阿婆,冇俾網民鬧之餘,仲讚佢好有愛!事緣有個阿婆搭緊㗎駛去九龍城衙前圍道嘅巴士,本身阿婆想去九龍城廣場,但佢聽咗個女乘客講所以無啦啦落咗車,於是巴士佬就嚟料。


巴士佬除咗條安全帶,開前面車門鬧女乘客:「下個站先啱啊,你點教佢㗎?」巴士佬就爆粗:「呢個站行L死你啊!你上返嚟啦。」

阿婆上返車之後,巴士佬仲講多次:「呢個站行L死你啊!你扶住啦!」。雖然巴士佬真係好火爆仲粗口盡出,但阿婆都真係唔該晒佢。


唔少網民紛紛留言:「幫人都可以幫到爆晒粗?」、「我都聽唔到有人講粗口喎,只係見到好人司機一位」、「巴士佬好有愛」。

唔講咁多,去片!

巴士佬

好火爆!

Posted by 大娛樂家 on Friday, 10 August 2018