x9

鄭嘉穎陳凱琳米蘭放閃睇騷 趁機度蜜月

鄭嘉穎同陳凱琳結婚唔夠兩個月,新婚燕爾當然甜到漏,兩公婆早兩日拍拖去咗意大利米蘭時裝周睇騷,鄭氏夫婦難得夫妻檔出trip工作,梗係趁大好機會喺呢個浪漫都市度蜜月啦!

撰文:東方新地|圖片:陳凱琳IG

鄭嘉穎陳凱琳寓工作於娛樂

鄭嘉穎話今次工作相當輕鬆,全程抱住旅行嘅心情去開工:「當旅行嘅心情?都可以咁講,我冇嚟過米蘭,呢次係婚後首次一齊出trip,所以感覺好唔同。」問到鄭嘉穎想唔想做模特兒上台行騷,佢笑住話:「真係冇諗過做model喎,其實之前有去過巴黎睇騷,但行騷就未試過。但如果有人夠膽搵我嘅話,我都會夠膽嘗試!」

鄭嘉穎
鄭嘉穎同陳凱琳日前拍拖去咗意大利米蘭時裝周睇騷,二人更趁機喺呢個浪漫城市度蜜月㖭!
鄭嘉穎
鄭嘉穎與陳凱琳婚後首次以夫妻檔出席外地活動,鄭嘉穎笑指今次工作輕鬆。

鄭太難忘開心旅程

鄭太陳凱琳除咗睇騷外,仲把握時間參觀時裝品牌博物館,有另一番感受:「真係好難忘嘅體驗,之前仲去過時裝品牌嘅博物館參觀,先發現一百年前係做『內衣褲』起家,以前去外地睇博物館都係欣賞畫作之類,今次係睇衫,所以感覺真係好唔同。」