楊千嬅

博擸影視雙后 楊千嬅辣㷫老練陳煒

年初簽約老公丁子高旗下,楊千嬅首項工作係回歸TVB拍攝劇集《多功能老婆》,不過,劇拍到一半,千嬅上月又接多一部電影,同郭富城合作拍電影《麥路人》,連踩兩邊戲咁博為乜,原來老公丁子高一早打好如意算盤,希望夫妻檔省靚招牌,憑電影電視劇幫老婆一箭雙鵰,擸齊TVB視后兼冧莊再做影后;不過,出師未捷,千嬅近日就因為趕戲搞到拍劇頻密遲到,令劇組怨聲載道,就連出名老練順得人的陳煒,都畀千嬅辣著,日前二人一齊拍外景,煒哥為等姍姍來遲的千嬅埋位等到面都黑晒,戲外更全程零交流!

撰文:東方新地|圖片:新傳媒圖片、Instagram


楊千嬅新戲 題材貼地

17年冇拍電視劇,楊千嬅成功踢走鄧萃雯接拍殿堂監製陳寶華重頭劇《多功能老婆》,連月來日夜趕戲已經夠忙,不過上月千嬅再接拍同郭富城合作的電影《麥路人》,同一時間拍劇又拍電影,千嬅更試過連踩48小時冇得瞓,博到咁盡全因老公丁子高睇準該片題材夠貼地,希望千嬅繼五年前《春嬌與志明》封后後再擸影后,加埋對準無綫明年視后獎,務求一箭雙鵰!

楊千嬅
本來趕拍緊無綫重頭劇《多功能老婆》已經夠忙,上月千嬅再接拍同城城首度合作的電影《麥路人》,分身乏術的她惟有犧牲睡眠時間,可惜都係出事,搞到經常遲到累劇組遲收工。

楊千嬅(@yeungchinwah)分享的貼文 張貼

據知情者透露:「除咗因為小美開到聲,話城城好想同千嬅拍,最重要都係丁生睇過劇本之後,覺得呢套戲角色有發揮,故事夠寫實,想千嬅憑呢部戲再擸影后,加上拍《多功能老婆》,佢亦睇準無綫明年個視后獎,如果一次過可以擸晒影后視后兩個獎!千嬅事業再突破之外,仲可以夫妻檔省靚招牌!」


丁子高
老公丁子高同城城經理人小美私交甚篤,上年小美為郭富城搞52歲生日P,丁子高亦是座上客,更同城城黐實合照。

頻密遲到

不過要同一時間兼顧電影同電視劇,對44歲的千嬅來說,其實有苦自己知。據知情者透露:「係人都知拍劇時間好長,趕完夜班又緊接開早班,咁耐冇拍TVB劇,千嬅初頭都唔係好慣,因為真係日接夜冇乜得抖,喺呢個時候,仲接多部電影,連幾粒鐘休息時間都冇埋,佢其實好吃 力,最辛苦嗰次更加係連踩48個鐘,攰到狂隊咖啡提神頂住!」

今天新挑戰🌟從這一分鐘開始,連續4組拍攝 🎬 #oncall48小時 #麥路人 #多功能老婆 #日夜無間 勁過三鉄 🤘🏻人生反高潮 👀👀👀#actresslife #多勞多得 希望大家喜歡我們所有用心製作演繹的作品🌟 #第一組


楊千嬅(@yeungchinwah)分享的貼文 於 張貼

收工後再出發準備第二組拍攝🎬🤘🏻 #多功能老婆 #actresslife #藍飛 #ilovemyjob #overnight #oncall48小時 #第二組
楊千嬅(@yeungchinwah)分享的貼文 於 張貼

可惜牽一髮動全身,楊千嬅唔夠瞓就話死頂捱到殘,但同劇演員亦因為佢頻密遲到連累經常收唔到工,一樣等到謝。據知情者透露:「千嬅都好識做嘅,一早講咗自己要疊住部戲,時間要遷就,佢講話寧願自己瞓少啲,但時間又邊有咁理想吖!有時電影嗰邊未搞掂唔放人,佢想走都唔得,咪又搞到套劇啲演員囉!成組人為等佢一個,就算Set好晒機,其他演員到齊一樣拍唔到!」


多功能老婆
日前劇組在佐敦渡船街拍攝《多功能老婆》外景,千嬅又再遲到,企喺街等千嬅大半個鐘,曬到變化石的煒哥,塊面愈嚟愈黑。

等到扯火

當中擔演《多功能老婆》女二的陳煒,劇中同千嬅有最多對手戲,亦因此經常要等天后駕到等到著晒火!

據知情者透露:「千嬅同煒哥最多對手戲,咪成日要煒哥等佢囉!煒哥講電話玩手機打發時間,喺呢行咁耐,煒哥份人好識做兼且出名好有耐性,但成日係咁等,本身已經拍到好攰想快啲拍完收工,愈等個人就愈躁,有時真係見佢呆等到面都黑埋,不過唔好話佢啦,其實班工作人員 咪一樣等到謝晒,但明知寶華姐都要就千嬅啲期,個個幾嬲都唔敢出聲囉!」

多功能老婆
全組人準備就緒,獨欠主角楊千嬅未到,唔止陳煒扯火,柏豪一樣面燶燶。

成棚人服侍

日前《多功能老婆》在渡船街趕拍外景埋尾,千嬅再次遲到。當日下午兩時許,在街上要拍一場開車戲,只見同場演出的陳煒、周柏豪、朱晨麗一早到齊化好妝呆等,只係千嬅遲遲未見影,一班演員及工作人員企喺街已經熱到木無表情,朱晨麗就不時上煒哥的七人車涼冷氣,換好戲 服的煒哥,唔知係咪企喺街曬到出火,見佢塊面愈嚟愈黑,連講電話都唔識笑。不過,姍姍來遲的楊千嬅,嚟到仲要成棚人慢慢服侍,拜神化妝整頭又搞足半個鐘,大家都只能望住佢繼續焗等。

楊千嬅
千嬅姍姍來遲,但到場後仲未埋得位,入咗隔籬劇組租用的舖位補妝,搞了廿多分鐘,行出街準備埋位的她,又再要補多轉先肯上鏡。

姍姍來遲

全組人等咗天后大半個鐘,終於見千嬅趕到。

楊千嬅


上香拜神

千嬅拍前第一時間先拜神上香。

楊千嬅

掛住按摩

千嬅仲拎住大支按摩棒按摩一輪,未捨得埋位。

楊千嬅


排場十足

除咗有助手跟身,千嬅仲帶埋私人化妝師及髮型師到場,排場十足。

楊千嬅

幫埋試位

周柏豪、陳煒及朱晨麗呆在車上等千嬅,千嬅還在補妝遲遲未埋位。

多功能老婆


終於拍得

千嬅上咗車,終於可以拍攝,不過一個開車鏡頭只拍咗大半個鐘,相對等嘅時間仲長啲!難怪個個冇表情!

楊千嬅

拍完無交流

拍完一停機,千嬅已經大忙人上身忙於講電話,同身旁陳煒及朱晨麗完全零交流。

楊千嬅


姊妹孖住走

之後轉場景再拍,朱晨麗孖住煒哥一齊走。

多功能老婆

鬆一口氣

拍足四個多月的《多功能老婆》,日前正式煞科,連踩電視電影兩片冇覺好瞓的千嬅,終於可以鬆一口氣。

最開心真心的一刻❤️🙌🏼🎬 #多功能老婆 #actresslife #尾聲
楊千嬅(@yeungchinwah)分享的貼文 於 張貼

陳煒 ALICE CHAN(@alicechanwai)分享的貼文 張貼

拍到情緒低落

劇中因老公有外遇,感情大受打擊的千嬅,有唔少喊戲場口,搞到千嬅有一段時間情緒低落!


楊千嬅(@yeungchinwah)分享的貼文 張貼

真假閨密

楊千嬅同陳煒、朱晨麗戲裡係好姊妹,但戲外千嬅卻極少埋堆。

楊千嬅(@yeungchinwah)分享的貼文 張貼

陳煒朱晨麗在劇中演千嬅閨密,不過,千嬅巨星上身難埋堆,反而陳煒、朱晨麗就因拍劇變閨密經常行孖咇一齊收工直落食飯睇戲,仲試過睇戲遇到黃德斌。

朱晨麗(@rebecca_zhu)分享的貼文 張貼


兩人又約埋去睇舞台劇「偶然,徐志摩!」,捧胡定欣馬浚偉場。

朱晨麗(@rebecca_zhu)分享的貼文 張貼

陳煒 ALICE CHAN(@alicechanwai)分享的貼文 張貼

朱晨麗(@rebecca_zhu)分享的貼文 張貼