DJ

那些年《珠光寶氣》性感靚太 現已為亞洲爆紅女DJ

無綫深夜時段重播的《珠光寶氣》已播出一段時間,劇中亦見到唔少已久未露面的藝人,例如令人懷念的黎姿、現已成國際模特兒的林莉等等。早前一集講到蔡少芬同李司棋去買車,遇到黃泆潼飾演的闊太陳太,都係一位久違的面孔!黃泆潼現時已經結咗婚,仲成為亞洲爆紅女DJ!

撰文:東方新地|圖片:新傳媒、Instagram、電視截圖

那些年《珠光寶氣》性感靚太 現已為亞洲爆紅女DJ

早前一集《珠光寶氣》講到蔡少芬同李司棋去買車,遇到黃泆潼飾演的闊太陳太,話說劇中黃泆潼其實家境開始中落,但仲喺人前同老公扮親熱,場面搞笑!講起黃泆潼,大家應該都會有啲印象,諗起嗰位那些年經常性感演出的女星!

黃泆潼喺劇中一貫地打扮性感~
老尷地扮親熱~

黃泆潼被星探發掘入行

1978年出世的黃泆潼今年40歲,佢係透過多年前仲流行的星探發掘入行,16歲開始就展開模特兒生涯。去到1999年,21歲的黃泆潼參選香港小姐競選,雖然未有得到任何獎項,但仍然獲得TVB的賞識,開始參與演出。當年仲有傳黃泆潼爸爸同曾志偉份屬好友,所以佢有機會做譚詠麟MV女主角!