馮盈盈

澄清唔係港大校花 馮盈盈:其實係另有其人!

有「貼地港姐」之稱嘅16年度港姐冠軍馮盈盈在訪問中大方分享其貼地思維,又澄清其實佢唔係港大校花,話真正嘅港大校花係另有其人!

撰文:東方新地|圖片:新傳媒圖片、Instagram

任港姐司儀 馮盈盈:有寫定Proposal!

首先問到馮盈盈對今年有份港姐擔任司儀有咩感受?佢話:「一開頭被任命做港姐司儀,嗰下已經覺得唔係吓話?我何德何能先?因為作為港姐司儀係好多主持、司儀心目中嘅夢想,好似阿Bob (林盛斌) 都話佢入行係以做港姐司儀為夢想同目標,難得有個咁珍貴嘅機會,其實我都擔心承受唔起、做得唔好,所以一知道已經好緊張,仲要今年唔係對稿讀,係要set問題,要有學術性、有內容、有深度、有內涵⋯⋯我返到屋企仲要做資料搜集、寫啲Proposal,好似以前大學做功課咁,所以今次淨係問問題呢part我都好似做咗成個project出嚟咁。」