嫁到這世界邊端2

【嫁到這世界邊端2】癡情韓國Oppa娶重病港女 上演「韓式生死戀」

由陳貝兒主持的TVB節目《嫁到這世界邊端2》昨晚首播,繼續去到世界不同角落,為觀眾帶來一個個香港人妻嫁到彼方的愛情故事。第一集登場的是韓國新袍秋仔與Oppa暢勇,一段至死不渝的愛……

撰文:東方新地|圖片:《嫁到這世界邊端2》截圖


【嫁到這世界邊端2】癡情韓國Oppa娶重病港女 上演「韓式生死戀」

好多人睇韓劇時同小編一樣,都經常取笑情節老套,通常啲女主角唔係失憶就係患絕症,之後就突顯出男主角幾咁癡情乜乜乜。但估唔到呢啲老套劇情原來現實中真係會發生 — 就係《嫁到這世界邊端2》第一集的主角秋仔。

嫁到這世界邊端2 嫁到這世界邊端2


嫁到這世界邊端2
《嫁到這世界邊端2》第一集主角,韓國人妻秋仔。

嫁到這世界邊端2
Oppa都識講少少廣東話!

重病港女遇上韓國Oppa

平凡港女秋仔早年讀完書後,加入電視台成為導演,誰知七年前佢發現自己患有急性腎衰竭,最嚴重試過一年入三次ICU,長期都要靠儀器及藥身維生,徘徊在生死之間。治療期間,秋仔偶爾喺一個討論韓劇的網站,認識了識普通話的韓國Oppa暢勇,一段動人故事就此展開!




Oppa來港後表白

兩個人傾吓傾吓,暢勇更主動來港與秋仔見面,秋仔都feel到對方有更進一步的意思!所以即使秋仔再唔舒服,都堅持外出同暢勇喺香港遊玩一日。兩人經過呢一日後感情大增,對秋仔病情一無所知的暢勇回韓國後即主動表白!「可唔可以做我女朋友?」




得知病情後失去聯絡?

呢個時候秋仔亦向暢勇坦白道出病情,表示自己身患重病,隨時有機會離開。喺秋仔坦白後,暢勇突然失去聯絡一段時間,但佢並唔係被嚇怕走佬,而係花時間四出搵資料,嘗試對秋仔的病情了解更多……




究竟要有多情深

暢勇並沒有輕易呢段感情,更主動提出讓秋仔去韓國醫病,甚至係求婚!聽到呢度,主持陳貝兒都不禁話,究竟要有幾情深,先會令人男人接受一個可能隨時喪命的女子,甚至唔介意時日長短去求婚?




「 手術好返之後,我哋就結婚啦。」

雖然秋仔未有答應求婚,但都下定決心接受手術,雖然手術風險相當高,失敗的話係隨時會冇命…… 手術前暢勇對秋仔講:「 手術好返之後,我哋就結婚啦。」秋仔亦隨即答應!



暢勇喺片段中為老婆打氣。

暢勇仲話兩口子到100歲時,都要好似依家咁一齊快樂生活,係老套,但感動!

父母反對婚事

經歷一場大手術後,秋仔與暢勇決定搵埋天窗,但此時又遇到另一大難題,就係暢勇的父母反對二人婚事!其實又難怪人哋咁諗,因為秋仔的身體始終存在很多變數,將來又可能較難生兒育女。不過暢勇始終如一,不斷努力說服父母答應,表明係非卿不娶!



融入韓國家庭

暢勇的父母最終答應二人的婚事,當時奶奶發短訊問秋仔想要咩結婚禮物,秋仔回覆「其實唔使送禮物俾我啦,你答應俾我哋結婚,已經係一個最大嘅禮物。」重溫呢段往事時,奶奶已經喊到收唔到聲!



奶奶邊講邊喊,之後老爺都喊埋一份。

約定相愛到100歲

暢勇始終認為100歲係一個最好的夢想,去到節目末段,佢再次提出兩人已經約好了,就算去到100歲都要一齊住、100歲都仲要一齊去旅行!


主持陳貝兒都非常感動,坦言佢哋的故事令自己再次相信有愛情!