賴弘國

賴弘國踢爆老婆阿嬌超難追 曾送「女人最愛」被拒!

鍾欣潼(阿嬌)早一排喺個人社交網提到「爸媽學前班」,令網民隨即猜測佢係咪懷孕,不過原來只係誤會一場!原來只係意指佢同老公賴弘國夫妻檔上陣參與內地真人騷節目《爸媽學前班》!賴弘國更喺節目大爆冧女秘訣!

撰文:東方新地|圖片:影片截圖、Instagram


賴弘國踢爆老婆阿嬌超難追

鍾欣潼(阿嬌)同老公賴弘國結婚就快有半年,上個月佢喺個人社交網上載同老公喺英國旅行嘅相,並留言:「英國之旅,多謝有你。#爸媽學前班」,令網民隨即猜測佢係咪懷孕,但原來只係兩公婆一齊參與內地真人騷節目《爸媽學前班》。

日前,《爸媽學前班》出街,阿嬌同老公不時喺節目中放閃,經常望住對方甜笑,而喺節目中賴弘國亦對老婆照顧有加。

二人不時甜蜜對望。

兩公婆之前為拍攝節目而去到英國住宿,兩個人五件行李,不過賴弘國就一個人抬四個行李箱行樓梯上樓,而阿嬌就只輕輕鬆鬆拎一個喼,可見賴弘國幾錫老婆!

賴弘國更man爆話:「沒關係,我來拿!」。

大爆冧女秘訣

賴弘國除咗會為老婆抬行李上樓,原來佢仲有一個寵妻秘訣!佢喺節目中就大爆自己會每日都讚老婆五次以上,而且佢更喺鏡頭前不斷讚阿嬌:「我老婆的五官是數一數二精緻的,她的眼神我覺得很清澈。」認真sweet到爆燈!

每日都讚老婆五次以上!

賴弘國曾送「女人最愛」被拒

其後,賴弘國更自揭追阿嬌嘅趣事,佢提到喺七夕嘅時候,曾經試過送一大束非常名貴的花到阿嬌在台北的寓所!

View this post on Instagram

今日笑一笑🤪 @m01yb46

A post shared by Q_gill (@q_gill) on

點知阿嬌原來唔鍾意收花,仲用短訊回覆佢坦言:「謝謝,但我最討厭花。」,之後阿嬌解釋指自己覺得送花好浪費,而且又冇實際意義,所以收到嗰束花後就直接放喺原位就算,郁都冇郁過 ,最後就由得啲花凋謝。


的確,唔係每位女士都鍾意收花嘅。


鍾欣潼主動發文求關注

日前,鍾欣潼(阿嬌)喺微博公開留言:「孟非老師你好,我是你的死忠粉絲阿嬌,鍾欣潼,能互相關注一下嗎?」由於阿嬌好直接咁喺微博主動發文要求關注,所以令唔少網友都唔敢相信,以為阿嬌俾人偷咗帳號嚟用!

鍾欣潼

鍾欣潼


否認被盗帳號

有見及此,阿嬌過咗一陣都再次留言,指自己並冇被盗帳號,解釋咁做嘅原因係最快同最容易可以接觸到孟非老師!

阿嬌澄清自己冇畀人偷帳號!


其後,阿嬌仲有啲尷尬咁留言:「老師,不好意思,冒昧的要求把你拉出來了!」仲話已經私訊咗孟非兼等梗對方回覆!阿嬌呢個求關注嘅行為就好似一個小粉絲,認真搞笑!

之後阿嬌尷尬留言俾孟非老師。

孟非老師

孟非是誰?

同大家介紹番阿嬌求關注嘅孟非是何許人啦!其實孟非係內地一位知名主持人,以其標誌性嘅光頭形象深入民心,加上口才了得,佢所主持嘅內地節目《南京零距離》更成為當地收視率最高同埋當時全國廣告價格最高嘅電視新聞節目,非常了得!

左:孟非

右:孟非

賴弘國前妻隔空發表仇恨論

早前,有網友就留意到賴弘國前妻趙筱葳(Ivy)喺個人社交網上載咗一段文字:「什(甚)麼是真什(甚)麼是假?哪些是浮雲哪些是永恆?」,言詞間令一眾網友猜疑Ivy,實為另有所指。

影相證明活得比你好

事實上,賴弘國喺2016年與趙筱葳結婚,但二人婚姻只維持僅僅半年就分開。而任職空姐嘅Ivy經常喺社交網上載自己周遊列國同吃喝玩樂嘅相,睇落離婚後嘅生活仍相當愉快。


阿嬌出嫁了!

鍾欣潼(阿嬌)和台灣「醫界男神」賴弘國(Michael)於洛杉磯五星級酒店Millennium Biltmore Hotel Los Angeles舉行婚禮,儀式中既溫馨亦感人,阿嬌身穿一襲白色大Deep V婚紗,豔壓全場!雙方在父母的見證下行禮,期間阿嬌多次喜極而泣,當中包括致詞時、好姊妹兼好拍檔蔡卓妍(阿Sa)擁抱祝賀及亦師亦友的經理人霍汶希(Mani)輕吻阿嬌面頰時,阿嬌好激動咁喊!

阿嬌
鍾欣潼(阿嬌)和台灣「醫界男神」賴弘國(Michael)於洛杉磯五星級酒店Millennium Biltmore Hotel Los Angeles舉行婚禮。


好拍檔蔡卓妍(阿Sa)擁抱祝賀

亦師亦友的經理人霍汶希(Mani)輕吻阿嬌面頰時,阿嬌好激動咁喊!

阿嬌:「行到今日好唔容易…」

在致詞時當阿嬌講到:「行到今日好唔容易…」時喊得最為厲害,全場嘉賓亦眼濕濕,兩個唔同地方、唔同背景的人最終修成正果走在一起,真係好難得!Michael輕吻阿嬌前額的場面充滿浪漫氣息,賴弘國更在鋼琴伴奏下向阿嬌獻上深情一曲〈愛很簡單〉,阿嬌聽完喜極而泣,幸福滿瀉!


好姊妹容祖兒在最後一刻終於成功搞好簽證,趕到洛杉磯送阿嬌出嫁,送上大大的驚喜,令她感動爆喊,「龍虎豹蛇」終於成功合體!


婚宴菜式方面都好有心思,除咗有清雞湯同上湯龍蝦之外,仲有切合晒主題嘅心形牛扒,最尾亦有甜蜜湯圓寓意圓滿如意。

好姊妹出嫁,阿Sa激動到唔識形容!


阿嬌契爺劉鎮偉都有出席婚禮,佢仲負責將阿嬌交喺新郎賴弘國手中,場面感人!劉鎮偉喺致詞嘅時候,除咗祝福一對新人,佢仲發揮搞笑本色:「阿嬌叫我做老竇,其實我同佢阿媽係冇關係嘅!」全場哄堂大笑!


大合照!


深情一吻!

同時亦有鬼馬一面~