苟芸慧

苟芸慧9月已成陸太 多倫多古堡舉行神秘婚禮

「苟姑娘」苟芸慧與錫礦大王陸佑後人、兼賽車手陸漢洋,將於本周五(19日)在上水雙魚河鄉村會所舉行婚禮,外界都以為兩人會於當日註冊,但其實兩人早在上月已在苟芸慧娘家加拿大多倫多註冊結婚,舉行一個神秘婚禮。所以話,苟姑娘其實早已成為陸太啦!恭喜恭喜~

撰文:東方新地|圖片:新傳媒、Instagram


苟芸慧二月宣布結婚

35歲的華姐冠軍苟芸慧與男友陸漢洋拍拖兩年多,作為娛樂圈「處女黨」的最後一員,苟姑娘今年二月時喺IG上載與男友的合照,合照中見到陸漢洋拎住一個TIFFANY & CO嘅戒指盒,苟姑娘姅用布蒙住眼睛!

苟芸慧
苟芸慧終於結婚,恭喜晒!
苟芸慧

苟芸慧宣布結婚,原來陸漢洋準備咗tiffany & co 求婚戒指!

另一張相就見到其無名指戴上閃爆鑽戒,苟姑娘留言:「很幸福,找到一個一生一世陪我看夕陽的人!」宣布求婚成功!

苟芸慧
苟芸慧宣布結婚,但佢哋身處外地,冇透露去咗邊同求婚地點!

苟芸慧9月已成陸太 多倫多古堡舉行神秘婚禮

苟芸慧與陸漢洋今個星期五(19日)在上水雙魚河鄉村會所舉行婚禮,原以為兩人會在當日註冊,但兩人其實九月時已在苟姑娘娘家、加拿大多倫多舉行神秘婚禮,兼已正式註冊結婚,大家可以叫聲苟姑娘做「陸太」啦!


陸漢洋拉大隊炮製驚喜

據知苟姑娘當時想婚前回多倫多探望家人,希望帶未婚夫拜見長輩盡禮數,而知道愛人一直想在古堡行禮的陸漢洋,就暗中鎖定了在多倫多一個古堡舉行婚禮,仲搵來未來外父、弟弟及舊同學等一齊炮製驚喜。


陸漢洋婚禮唱情歌

苟姑娘回覆傳媒時表示,當日的婚禮非常溫馨又感動,見到好多多年冇見的長輩、朋友們專誠嚟出席,最感動就係陸漢洋在婚禮上獻唱〈Nothing’s gonna change my love for you〉,連苟爸爸都熱淚盈眶,放心將個女交俾陸生!再一次恭喜陸生陸太!



延伸閱讀:

苟芸慧被網民封為大台最索明星!

苟芸慧苟姑娘一直都係大家心目中嘅女神!成為準人妻之後,苟芸慧就更加狀態大勇,無論係身材定靚樣都Keep得超好,之前以Deep V黑裙出席活動,睇到大家心心眼!

苟芸慧


幸福準新娘苟姑娘唔單止樣靚,仲要身型高挑比例好,最近仲變得更窈窕,睇嚟佢已經為咗嚟緊10月嘅婚事Keep住最好狀態!


巴打最愛!真人似仙女咁靚!

就算苟姑娘成為準人妻,網民對佢嘅愛都係有增無減,大家都對佢有讚冇彈啊!


肥瘦都係咁靚!


Fit嘅時候就更加係靚到爆廠!!!


苟芸慧激罕性感廣告 準人妻最後一擊!

苟芸慧早前遠赴海外拍攝護膚品品牌廣告,盡晒弗爆身材及白滑肌膚,更以久違的泳衣上陣!隨時係準人妻苟姑娘最後一次性感,大家真係要落足眼力欣賞!

苟芸慧

苟芸慧


苟芸慧

苟芸慧


苟芸慧

久違泳衣亮相

苟芸慧自選華姐後都極少以泳裝示人,今次廣告中以大Deep V一件頭泳衣上陣,非常性感!幸好苟姑娘之前曾表示,婚後一樣可以性感,只要係健康性感、唔令人感覺唔舒服就OK。小編可以肯定冇人會感覺唔舒服!


苟姑娘真係無得輸

苟芸慧本為華姐冠軍級人馬,樣貌、氣質、身材都係女神級,近年重拾自信又有愛情滋潤,每次出席公開場合都豔壓群芳,網民同傳媒講咗好多次都要要講:「回復狀態的苟姑娘,真係無得輸!」




王君馨大婚照搶鏡

猶記得去年七月王君馨大婚,一眾「處女黨」成員鍾嘉欣、岑麗香、李亞男及苟芸慧得組成索爆姊妹團,雖然話嘉欣媽媽一樣省鏡、香香公主依舊咁可愛,不過苟芸慧簡直係狀態大勇,靚到啪啪聲!


09年華姐冠軍

苟芸慧為2009年國際中華小姐冠軍。初出道時樣子甜美,身材索爆,盡得網民歡心!


肥定瘦一樣咁索

前苟芸慧早年經歷了許多風風雨雨,飽受甲狀腺問題折磿,無法控制體重,磅數一度達170磅,不過苟姑娘依然笑面迎人,而且以身體健康為大前題,沒有刻意為上鏡而減肥。其實無論佢身形肥或瘦,仍然係唔少男士心中的女神!