熟齡女星

邊生得出咁大個仔? 7大熟齡女星「升級」做阿媽

男演員好多時就愈成熟愈吃香,女演員開始上年紀,戲路就好似愈嚟愈窄,往往只有向「媽媽級」進發,就算現實中冇可能生得出咁大個仔,本住專業精神,都要盡力做好台戲!以下呢7位熟齡女星,既係好戲之人,亦都係專業嘅好演員!

編輯:東方新地 │原文刊於:Sunday Kiss│ 圖片:myTVsuper截圖、新傳媒圖片

惠英紅 陳小春 – 2007年《鐵咀銀牙》

呢部08年出街嘅古裝劇,係惠英紅陳小春喺電視螢幕上嘅首次合作。陳小春飾演狀王陳夢吉,而小紅姐就飾演陳夢吉嘅娘親潘白鳳。同劇演員仲有視后級嘅佘詩曼,同謝天華、元華等。

熟齡女星

現實中,小紅姐係1960年出世,而陳小春就係1967年,二人年紀只係相差6年。喺個劇拍攝中嘅時候,小紅姐都曾經有表示過「委屈」,話自己生唔出咁大個仔!