郭富城

郭富城抱愛女慶生 方媛高調首晒全家福

昨日(25號)是天王郭富城(城城)53歲生日,向來人緣甚佳嘅城城生日P當然唔少得有一大班圈中好友到場祝賀,最近盛傳陀二胎的太太方媛亦在場!

編輯:東方新地 | 原文:SundayKiss | 圖片:方媛微博、新傳媒圖片


郭富城抱愛女慶生 方媛高調首晒全家福

今日方媛就喺社交網分享同老公慶生照,更首度高調晒出一家三口合照。不過為咗唔曝光囡囡正面樣,方媛就用個公仔遮住,相中1歲半嘅Chant睇落已經大個咗好多!而城城就一臉慈父樣抱住愛女,天王嫂方媛留言:「Happy birthday!」一家人簡直幸福滿瀉呀。

天王最愛的跑車款 蛋糕

天王嫂出鏡嘅幾張相都係半身照,仲巧妙咁用手遮肚。

城城經理人小美則在社交網上載了數張天王生日派對的照片,場面非常熱鬧。城城老友張智霖、沈嘉偉等都到場祝賀。小美留言:「祝Aaron 1026生日快樂。身體健康。心想事成。所有的願望都成真。工作順利。一家人幸福圓滿。團隊們、好朋友們,很開心一起分享一個充滿笑聲和祝福的晚上。Wishing all of us all the best and have a wonderful night!」


而城城亦有在社交網站上載生日相,並留言感謝大家:「非常感謝大家對我的祝福與支持,我會繼續努力做一個更優秀的自己來答謝你們!」


郭富城 認雙喜臨門

早前,郭富城(城城)與老婆方媛(Moka)慶祝女兒Chantelle一歲生日時,在生日會上頻頻甜笑,一副慈父的樣子。據消息指,郭富城在生日會上向在場好友分享「雙喜臨門」,雖然未有確實說出是甚麼喜事,不過大部分人都猜想郭富城太太應該是懷上第二胎!

郭富城在51歲時迎娶30歲內地女模特兒方媛,去年喜獲掌上明珠,一嘗當爸爸的滋味。

早前,Moka身體力行入場睇老公新戲《無雙》,但就著上寬闊冷衫,似乎有啲此地無銀喎!

 

方媛公開最新體重

郭富城(城城)老婆方媛(Moka)早幾日就喺個人社交網上載兩張新相,第一張自拍見Moka著上紅色上衣兼戴上太陽眼鏡,另一張則係一張體重磅嘅相,上面就顯示「39.1公斤(約86磅)」,並留言指自己瘦出新高度!


方媛依家先得86磅,會唔會太瘦呢?

體重磅上顯示城嫂只有39.1公斤(約86磅)!

日前,城城宣傳新戲《無雙》,現身銅鑼灣鬧市派發印製成「錢」一樣的電影票「無雙幣」!

城城現身銅鑼灣派發印製成「錢」一樣的電影票,向行人宣傳電影「無雙」。


方媛入場睇戲撐老公

嗰頭老公城城忙住宣傳新戲,Moka就已經話咁快就走入戲院,以行動支持老公新戲!不過,香港要今個星期四先上畫,睇番佢上載嘅海報相係簡體字,原來Moka係喺內地撐老公!

Moka仲同發哥合照!

著上超大件鬆身冷衫嘅Moka唔通係想遮有孕肚仔?

雖然剛入初秋,但Moka已經著上一件鬆身紫色冷衫,再襯上短牛仔褲,除咗對腳,成個身形遮到實哂!早前先傳佢疑似有喜,依家咁睇唔通係此地無銀?

除咗對腳,齋睇上身,腰間好似望落粗咗啲。

郭富城 變愛妻號

城城由拍拖到半島酒店擺酒都低調進行,自從結婚後,不再避忌,唔止天王變慈父,更成為愛妻號。近日陪妻返家鄉補擺喜酒,網上流出一批城城和方媛在安徽省蕪湖市的四星級蕪湖南陵龍雲新世紀大酒店擺酒照片及片段。

郭富城
郭富城同方媛去年4月拉埋天窗。

手抱9個月大囡囡敬酒超high!

相片所見城城以polo恤牛仔褲現身,打扮簡樸又年輕,方媛則穿著一條黑色喱士裙,端莊大方,天王出現,親朋戚友都拎起手機瘋狂影相,城城對鏡頭不但毫不避忌,更對住擺V手勢,全無架子,心情大好,又逐一向女方親友敬酒,更手抱9個月大囡囡滿場飛,城城抱女時笑到見牙唔見眼,冧笑望住囡囡,父愛氾濫!

郭富城
網上圖片

內地擺喜酒相片流出後,又有城城和方媛半夜到便利店的閉路電視相片流出,原來愛妻號城城擺完酒後,半夜一點陪方媛到便利店買雞腳等零食,似乎是方媛半夜肚餓而出動覓食,城城則全程陪伴左右,被網民大讚體貼暖男!

郭富城
網上圖片

城城抱住9個大的囡囡Chantelle,一臉滿足。

郭富城

城城心情大好,對親友敬酒及拍照來者不拒,和太太方媛敬酒時,囡囡由傭人抱住,囡囡一頭濃密秀髮和一雙大眼睛,似足城城。

郭富城


城城完全放下天王身段,逐一向每枱親友敬酒,方媛則緊隨其後!

郭富城

對於被不停拍照,毫不影響城城的心情,更對住鏡頭立即靠近方媛及擺出V字手勢。

郭富城


城城和方媛帶住囡囡,跟岳父岳母一起逐一敬酒,並不停說:「謝謝,大家吃個飯,慢慢吃。」

郭富城

被封為「中國好男人、好丈夫、好女婿」

有網民知道城城陪老婆回鄉宴容,珍容他是蕪湖市的最大粒明星,甚至留言封他是「中國好男人、好丈夫、好女婿」!

郭富城


跟長輩們合照!網民又讚城城keep得好,外表絕對不像52歲,跟30歲的城嫂很登對!

郭富城

忙完一晚,回到酒店,凌晨一點城城和方媛再次出動,原來是方媛肚餓到便利店買零食充飢,城城化身暖男全程陪伴!

郭富城

關鍵詞
郭富城