龍咁威3

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

娛聞

廣告

由早年的神級喜劇之王周星馳,再到最入型入格的賴皮古惑仔化骨龍,以及後期的牛歡喜食家暴龍哥鄭中基,這些港産喜劇都是大家心目中的經典。要數到近十年來一套可以睇完又睇,基本上背到所有笑位的電影,由谷德昭執導的《龍咁威》系列,絕對是其中一個代表作!2019年初於紅館開個唱嘅鄭中基,曾經宣布今年會開拍《龍咁威》第3集,作為2020賀歲片,仲話原班馬演出,可惜來到年尾,計劃似乎有變….

編輯:東方新地 |原文:NewMonday|圖片:新傳媒圖片、電影截圖、電影劇照

傳《龍咁威3》拍攝計劃暫停 鄭中基:由頭到尾都係港產片

相信《龍咁威》係唔少人童年回憶,尤其當年扮警訊的「瑞士山區肺騙案」更係深入民心!不過,本來計劃原班人馬再開拍的《龍咁威3》就唔太順利,日前有傳媒引述,指《龍咁威3》因為題材問題禁止大陸上映,觸發「《龍咁威3》是否拍畀香港人睇」的疑團,作為主角及導演的「龍威」鄭中基就霸氣回覆網民,話「龍3由頭到尾都係計劃拍港產片」,無所謂咁話!網民紛紛大讚「暴龍哥重視香港電影市場」,就算搶唔到賀歲片檔期都一樣會入場支持😍! 鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

《龍咁威》10大經典場口回顧

1. 真係MEKO水嚟喎!

第一次睇龍咁威經已被第一幕的交易吸引住,眼看龍威在褲浪位取岀手套及飲管,以極專業的態度一試貨品真偽,再同專係砵蘭街呃啊婆啲棺材本嘅玉面人趙應鶉講岀一句:「咦!真係MEKO水嚟喎!」(唔知呢個趙應鶉的人物設定同有線高層趙應春又有冇關呢?)

龍咁威

2. 白飯魚真係有白飯魚

由龍大雙先生創立嘅龍威體育用品公司係2003年度的旗艦級岀品,竟然是一對白!飯!魚!而這對只賣人民幣$19.9的白布鞋竟以在四川吸收天地靈氣的生曬白飯魚作氣墊膠囊,更可作為鞋的避震,抵受重擊!什麼air max,pump fury都要行埋一二邊。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

3.皮膚科醫生洗介賴、髮型師狼狗

所謂有錢就做蝙蝠俠,無錢就做好警察。三子最害怕的正正是步入警察學堂。龍威貪靚就係人都知,始終他亦有另一個Model之王的身份(Mandom啊),三子的皮膚科醫生洗介賴亦提醒過他們,只能用Duve或Lux,絕對不能用蝦世界。至於狼狗就叫佢哋一定要用護髮素同要吹頭。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

4. 燒槍燒到玩軍火

我諗唔使九叔多講大家都記得呢幕,跟據學警手冊第23項第23章第23條,學警可以依照自己興趣學習,加上那時的恐怖份子全球作案,學定點用軍火都係傍下身。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

5. 試試啲腦汁,咦!仲諗緊嘢喎!

玩埋伏就當然係我伏吓你,你又伏下我,至於鄧Sirrrr呢,唔好講咁多,試試佢啲腦汁先。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

又係龍咁威

重溫一下龍咁威嘅經典場面先!#新Monday #龍咁威 #經典場面

Posted by 新Monday on Friday, 9 November 2018

6. 佢哋叫我做垃圾啊,我是廢紙〜

呢句直頭係人生大道理!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

7. 都係嗰句啦,容易襯衫啊嘛!

買車買到買衫咁,應該真係得佢哋三個先做到。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

8. 好消息,唔洗割包皮!

Whats up Man ! Whats up Man ! Whats up Man ! Boom ! 唔洗割包皮! 好消息!唔洗割包皮!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

9. 警訊

鄭中基喺《龍咁威》系列中,由佢主持嘅《警訊》就同張達明、李璨琛演嘅「瑞士山區肺騙案」,鄭中基扮騙徒嘅同黨,以一身空姐look現身非常突出,真係非常戲劇化又有喜劇感。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

第二集鄭中基再扮Roller girl!
第二集鄭中基再扮Roller girl!

10. 喂!手足!幫手逗一逗!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

《龍咁威3》明年開拍 原班人馬回歸

鄭中基喺去年公布未來電影計劃,除操肌拍攝新片《阿龍》,亦正籌備開拍佢嘅喜劇代表作《龍咁威3》。鄭中基透過助手回應表示的確會開拍《龍咁威3》,佢話原本想在今年年中開拍,19年賀歲檔上演,但不過依家可能要改到明年中開拍,目標係後年2020年嘅賀歲檔上映!佢仲話打算請2003年第一集原班人馬拍攝,由佢同谷德昭執導,演員就會有李璨琛、張達明同埋鄧麗欣(Stephy),鄭中基補充話知道觀眾想Stephy可以接拍,故此希望就到檔期,能夠齊人演出。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

鄭中基在《龍咁威》中,演不學無術富二代,最後在警隊中重拾勇氣。

電影中鄧麗欣是鄭中基想追的女神。
電影中鄧麗欣是鄭中基想追的女神。

鄭中基、李燦森和張達明在《龍咁威》中分別扮演的龍威、吳樹喜和黃金舟!

當年千嬅更在《龍咁威》客串一角!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

05年《龍咁威2》口碑麻麻

《龍咁威》叫好叫座,但第二集《龍咁威之皇母娘娘呢?》搵嚟同樣係Mini Cookies成員嘅Miki做女主角,可惜口碑好差,悶戲連場一啲都唔好笑,所以大家點估到十多年後會開拍《龍咁威3》,仲由鄭中基執導,希望真係成事又係原班人馬演出,更加希望好過第二集啦!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

當年嘅Miki眼大大走可愛路線,深得少男歡心,如今佢都已經做咗人妻同媽咪喇!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

除咗Miki,第二輯仲加入同為Mini Cookies成員嘅傅穎同吳雨霏!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

仲有已經離開咗我哋嘅魯芬BB,有佢搶鏡嘅演出,真係令套劇生色不少,可惜我哋只能憑住電影懷念佢! 鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

《行運超人》

睇番鄭中基近年都好少拍電影,連新歌都冇乜!佢喺90年代以歌手身份出道,一頭長髮令人留下形象,而他都有好多經典情歌,好似如《晴天陰天雨天》、《我代你哭》等,之後佢都有參與電影演出,在2003情佢喺《行運超人》中扮演反派斷蟹一角,跟梁朝偉楊千嬅大鬥法,其中鄭中基扮女人一幕,真係喜劇才華大爆發!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

《低俗喜劇》

之後在2012年他在《低俗喜劇》中演廣西暴發戶「暴龍哥」,一口鄉音兼熱愛食野味,極為搶鏡,鄭中基更憑此片奪台灣金馬獎及香港電影金像獎最佳男配角,成為電影事業一大突破,在影壇站穩陣腳!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

《大樂師‧為愛配樂》

鄭中基在今年初《大樂師‧為愛配樂》中演有音樂天份的古惑仔,演技被指有大躍進,並提名今年4月香港電影金像獎最佳男主角,最後敗給《殺破狼‧貪狼》的古天樂。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

延伸閱讀:

年卅晚開騷 三代同堂演出 鄭中基恨攞最喜愛男歌手

鄭中基(Ronald)一連五場的《鄭中基One More Time 世界巡迴演唱會—香港站》在2月4日於紅磡香港體育館揭開序幕。鄭中基對上一次開騷係2017年,同上次一樣個唱座無虛席。演唱會於晚上9時半開始,鄭中基先以白銀色造型唱出演唱會主題曲《One More Time》,再唱一連串大家熱悉的歌曲《閉目入神》、《晴天陰天雨天》,《我真的哭過》,真係聽出耳油呀!

鄭中基
鄭中基唱《晴天陰天雨天》時,更走到舞台邊與觀眾一起揮手唱。
頭場係年卅晚,之後年初一、初二、初四及初五開騷,勁有新年氣氛。
頭場係年卅晚,之後年初一、初二、初四及初五開騷,勁有新年氣氛。

Ronald除下外套,露出手臂紋身及雞翼袖背心,佢話:「我真係要讚自己,連續幾年都喺度同大家迎接新年,今次演唱會主題係dream、hope、love,講到夢想我哋有香港有好多,香港係福地乜都有,講夢想,而家60歲係中年,即係你第時老到攤喺度唔郁都有幾廿年發夢。」

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

至於新年希望,佢又搞笑話:「年頭見到古天樂,佢內心掙扎夠竟唱唔唱歌,出唔出碟,點知一出嚟就攞我最喜愛的男歌手,其實我同佢情況都好似,令我都信心爆棚,不久將來就應該輪到我。」 鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

Ronald話:「其實香港有唔少問題,講貼身啲嘅愛情問題,好多後生仔拍拖擔心無樓唔結婚,於是就唔拍拖,變咗好多人單身,亦出現好多一人套餐、一人聖誕大餐、一人單位。我哋演唱會今次都特登推出單丁位賣,係最快賣晒,呢班單身人士一陣點歌環節我會特別照顧佢哋。」

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

三代同堂演出

鄭中基今次特別安排咗三代同堂演出,大女Emma親自揀咗首《A Million Dreams》唱足全首歌,Ronald嘅爸爸鄭東漢就負責彈結他伴奏,唱到中段Ronald才加入合唱,Emma表現全無怯場,好叻女。唱畢Emma更向觀眾拜年:「新年快樂,豬年身體健康。」在旁的Ronald笑話:「佢喺屋企講英文,所以呢幾句都練咗好耐㗎喇!」

鄭中基
鄭中基嘅爸爸鄭東漢、仲有囡囡Emma都有台上演出,真係好難得!

 

鄭中基
Emma遺傳了爸爸鄭中基的演藝細胞,由綵排到正式演出都好淡定未有怯場,甚有大將之風!

Emma演出成功,鄭中基同鄭爸爸都有同佢擊掌打氣!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

三代同堂表演,真係睇相都覺得好溫馨!

夢想揸的士

唱完《龍咁威》後,Ronald跟觀眾分享他的夢想,佢話自己嘅夢想係隨電影電視改變,細細個想做占士邦,後來又想做的士司機:「做占士邦有車揸又多女,我覺得最近似就係揸的士,因為我屋企都有鏡嘅,我咁嘅樣點做占士邦?做的士司機一樣有車揸,的士台大把女,有時同行家爭客仲會有飛車場面。」

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

想做「神之手」

Ronald講完童年夢,又笑話男士嘅夢想都係想做「神之手」加藤鷹:「佢一指會令人尖叫,會令人興奮。其實我都得,我上次握手,有啲位握唔到,但佢一指上去,就已經有人叫到飛起,所以加藤鷹最多令2個人一齊尖叫興奮,但我依家一指可以令萬人尖叫到飛起,我哋試吓!」全場歌迷立即大叫。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

狂碌人情卡

演唱會邀請到陳明憙(Jocelyn)每晚擔任嘉賓,Ronald坦言在新春期間請嘉賓唔易:「過年好多人都出埠,好在幾經辛苦都請到,大家唔使擔心!」

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

叫歌迷派利是

Ronald個唱喺農曆新年期間舉行,佢喺台上搞笑叫大家派利是畀佢,又提醒歌迷記得帶錢,事關場外有好多紀念品賣。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

Ronald於兩年前舉辦《Play It Again》演唱會後,曾經為電影增重至168磅,現在為開騷又進行地獄式減肥,成功減至138磅!

鄭中基
鄭中基早前接受傳媒訪問時大方分享減肥心得,是隔日交替做器械、有氧運動,同時戒油膩、戒肥豬肉、可食雞牛、多食蔬菜、煮食用橄欖油。

圈中好友捧場

太太余思敏、一對仔女及爸爸鄭東漢在台下坐頭排捧場,圈中好友如陳曉東夫婦,周秀娜、吳若希和老公Alex、JW和男友都前來欣賞。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

延伸閱讀:

農曆年開騷 鄭中基全家出動打流感針

近日流感肆虐,咪話小朋友易中招,大人一唔小心都被傳染,手尾極長,農曆年舉行演唱會的鄭中基(Ronald),做足預防措施,早前一家四口出動去打流感針。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

曾經掛住媾女自嘲係無賴的鄭中基,自從11年被前有線主播余思敏降服,簡直脫胎換骨由無賴轉化成「廿四孝」愛妻號,一對寶貝仔女出世後更加變深閨,幾乎絕跡社交活動,收工第一時間撲返屋企做住家男。

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

據知情者透露 :「識咗Sammie(余思敏)之後 ,Ronald 簡直變咗另一個人,唔再貪玩成個踏實晒,應酬活動更加唔願去,寧願留喺屋企陪仔女玩,佢完全畀對仔女融化咗,對住佢哋好滿足,全日對住對仔女都得。」

以往經常流連夜店的鄭中基,婚後變住家男,陪著仔女成長已成他人生最大動力 , 七歲女兒鄭梓喬(Emma)以及三歲兒子鄭梓仁(Evan)更同爸爸餅印一樣。
以往經常流連夜店的鄭中基,婚後變住家男,陪著仔女成長已成他人生最大動力 , 七歲女兒鄭梓喬(Emma)以及三歲兒子鄭梓仁(Evan)更同爸爸餅印一樣。

知情者續指:「咪睇佢以前成日掛住玩,做 咗爸爸之後,佢乜都仔女行先,又錫老婆,唔會將湊仔責任推晒畀太太,成 日都會話太太為佢付出咗好多,真係估唔到佢可以咁黐家!」

上年三月鄭中基生日,他就專登放假陪太太及仔女去迪士尼玩,更慈父上身畀兒子騎住膊馬睇表演,對住家中三個寶貝,完全變身幸福family man!
上年三月鄭中基生日,他就專登放假陪太太及仔女去迪士尼玩,更慈父上身畀兒子騎住膊馬睇表演,對住家中三個寶貝,完全變身幸福family man!

鄭中基公開感激太太

賢慧的余思敏,除咗能夠綁住太子基,更深得老爺奶奶歡心,將一對仔女教得精乖伶俐,Sammie功勞可不小。去年《 play it again》演唱會澳門站,鄭中基就在台上感激太太說:「佢為我增加咗兩個心愛嘅人,以前我從冇 諗過生小朋友,我係浪子,點會左拉右拖,不過做咗爸爸,成日會同導演講要開早啲,等我早啲收工返屋企陪細路!」

診所內有唔少兒童遊樂設施及玩具,鄭中基同老婆就陪住仔女一齊玩,只見鄭中基忙於睇電 話,仲要攞件玩具氹個仔,果然廿四孝慈父!
診所內有唔少兒童遊樂設施及玩具,鄭中基同老婆就陪住仔女一齊玩,只見鄭中基忙於睇電 話,仲要攞件玩具氹個仔,果然廿四孝慈父!

鄭中基全家出動打流感針

愛妻好爸爸當然唔係得個講字,近日流感肆虐,為免小朋友中招患病,加上自己快將開演唱會,向來緊張一對仔女健康的他,日前便全家出動去中環診所打流感針,當日早上約11時許,鄭中基一家由司機接載去到中環皇后大道中,司機停低車後,女兒Emma率先落車,跟住落車的Ronald一邊 拖個仔Evan落車,另一隻手仲會捉實個女,絕不掉以輕心!

當日鄭中基一家四口出動,去中環診所打流感針,兩公婆更細心幫仔女 戴晒口罩一人拖一個,見到記者,雖然有啲愕然,不過鄭氏夫婦就表現得好友善。
當日鄭中基一家四口出動,去中環診所打流感針,兩公婆更細心幫仔女 戴晒口罩一人拖一個,見到記者,雖然有啲愕然,不過鄭氏夫婦就表現得好友善。

 

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

打完流感針,一家人轉場去餐廳食飯家庭樂,不過,臨上樓前煙 癮起的鄭中基,就先吩咐太太同仔女上樓先,自己則企街食支煙,識得為家人設想,唔要仔女陪佢食二手煙,的確係盡責好爸爸!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

為怕診所多細菌,兩公婆亦幫一對寶貝仔女戴上口罩做足安全措施,睇醫生近一小時,兩公婆一人拖一個落樓行去上車,見一對仔女打完針完全冇扭計,再轉場去開餐家庭樂獎勵一對寶貝!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧

對老婆錫到燶的鄭中基,經常會花 心思送禮物冧太太,當日鄭太身上 行頭十足,除咗兩隻手都戴有鑽 戒,左手戴住鑽石手鏈,手錶更是 炒價值12萬的 Rolex Daytona。
對老婆錫到燶的鄭中基,經常會花 心思送禮物冧太太,當日鄭太身上 行頭十足,除咗兩隻手都戴有鑽 戒,左手戴住鑽石手鏈,手錶更是 炒價值12萬的 Rolex Daytona。

 

思敏對一對仔女教導有方,拖著兒子行 的她,亦教導兒子同記者講唔該,女兒上 車後還同記者揮手講拜拜,精乖可愛!

鄭中基率原班人馬拍《龍咁威3》計劃擱淺?!鄭中基親身確認係港產片 + 10大經典場口回顧