黃翠如

37歲素顏見得人!黃翠如公開3大保養肌膚原則

作為TVB花旦之一,黃翠如無時無刻都保持完美嘅肌膚狀態,日前黃翠如被本刊拍得素顏現身大角咀街頭,37歲即使冇化妝依然見得人,而且仙氣十足。對於保養肌膚,她自言不喜歡複雜的保養步驟,所以黃翠如保養都只是根據3大原則。

 


撰文:Christie Lau(原文刊於:SundayMore)|圖片:新傳媒圖片、黃翠如IG

37歲黃翠如 毋懼素顏

當日翠如一個人自駕去大角咀宣明會,疑似要取文件。不施脂粉、長髮飄飄咁,落車過馬路時帶著甜笑、小心翼翼留意來往車輛,然後一陣風咁辦完正經事又再開車走人。

黃翠如
黃翠如不施脂粉、長髮飄飄,過馬路都面帶微笑,依然童顏。

翠如泊好車後回頭確定鎖好車門才離開,非常謹慎。


即將奔四嘅翠如依然baby face ,攞住疊白紙喺手又輕輕撥吓吹散咗嘅頭髮,好有文青大學生氣質囉!

去大角咀宣明會攞完文件後極速走人,手持大疊白紙嘅翠如BB望落十足十大學生。

其實平日唔使開工,翠如都愛以真面目示人,素顏去街,唔化妝嘅翠如都依然好靚,好有氣質!

 


翠如保養原則 1. 最注重的是清潔!

畢業於浸大傳理系後,黃翠如就進軍幕前,在有線電視擔任娛樂新聞主播。轉投 TVB 後,黃翠如的工作不斷,即使天天都要化妝,黃翠如的肌膚仍然能維持着白滑的良好狀態!她坦言,自己不喜歡複雜的保養步驟,而她最注意的護膚步驟就是清潔!


清潔一向被視為護膚程序中最重要和最基本的步驟。清潔皮膚除了能夠幫助皮膚表面維持清潔外,同時對後續保養的吸收作用也非常有影響!無論護膚品有多昂貴,如果底層肌膚不能好好吸收,護膚品仍然是沒有用處的。


2. 以面膜代替化妝水!

黃翠如在節目中曾經透露,她的其中一個保養秘訣就是以面膜代替化妝水,所以她每次去外地公幹時也必定會帶面膜!她說,每次洗面後她也會敷面膜,皆因面膜的保濕度非常高,一邊敷面膜又可以一邊做其他工作,十分方便!


敷面膜之所以成為 黃翠如 保養 的必做步驟,皆因面膜能同時做到清潔和滋潤的效果!敷面膜的時候,肌膚因面膜而與外界的環境隔開,肌膚的溫度從而無法散發,令肌膚表面的溫度上升。當肌膚表面溫度上升時,毛孔也會打開,油脂自然由毛孔排出,同時面膜精華也會被肌膚吸收。


3. 健康食療和生活最重要!

除了使用護膚品外,黃翠如同樣重視健康的生活習慣!黃翠如表示,她每天也會喝媽媽的愛心湯水,同時偶爾也會吃中醫推薦的食療食譜,以維持健康飲食習慣。在健康生活方面,黃翠如認為充足睡眠是非常重要,要保持漂亮,充足睡眠絕對是不可或缺的條件之一!


1981年出世的「翠如BB」黃翠如就快37歲,唔係港姐出身,早年效力有線娛樂新聞,後來加盟無綫後隨即獲力捧。翠如BB好快當上女一,雖然演技唔太討好,幸好靚樣及可愛率直的性格搭夠,形象正面,同男朋友蕭正楠更是新一代深入民心的螢幕情侶!




翠如蕭正楠情定《師奶MADAM》

黃翠如同蕭正楠現正打得火熱!實翠如BB同Edwin 自2014年五月公開戀情後,兩人戀情一直十分高調,不論鏡頭前後都可現二人甜蜜蹤影!兩人戀情萌芽於拍攝《師奶MADAM》之時,翠如喺「定情劇」中飾演由千金小姐變做屋邨師奶的女卧底,而蕭正楠就飾演翠如嘅兒時夢中情人,與翠如扮演夫妻,一同查案。劇中二人有情人終成眷屬,由假夫妻變成真夫妻,而喺現實生活中,Edwin都一樣係翠如BB嘅Mr. Right,個個都Like爆佢哋!


翠如BB及蕭公子拍劇定情。

黃翠如 買康樂園做嫁妝

黃翠如貴為一線花旦,吸金能力不容忽視,入行多年的她一直希望靠自己上車買樓,日前本刊記者見她揸車到大埔娘家接完三妹黃麗茵,再駛去大埔康樂園睇樓,知情者透露:「翠如娘家喺大埔,所以佢都想買番大埔嘅樓,佢依家嘅同居竇華景山莊係Edwin同屋企人買,翠如好想有個自己夢寐以求嘅愛巢,康樂園嘅獨立屋就最啱佢心水。」現時康樂園一個千多呎的獨立屋要2千萬起錶,對於黃翠如來講絕對負擔得起。

黃翠如


戴愛情手繩

黃翠如
黃翠如到達大埔康樂園後把車泊在物業服務處,笑住接受本刊記者訪問,對於蕭正楠遲遲未求婚,她笑說:「呢樣嘢你自己問番佢!」當時其右手戴住大家姐外遊時為她求的愛情手繩,可見她對愛情非常渴求。

黃翠如


娘家接三妹

本刊記者見黃翠如把車停泊在康樂園物業服務處門口,即上前採訪,黃翠如聲稱是陪細妹來辦事,問到何時有婚期?她說:「冇特別都係咁!暫時都係咁!」對於有指蕭正楠好衰,遲遲未有求婚,她反應極大:「呢樣嘢你自己同佢 (蕭正楠) 講啦!」兩姊妹去完康樂園就返回位於大埔寶馬山的娘家,未幾蕭正楠收工亦由曹永廉送到屋苑門口,見他拎住盒芝士撻,看來是孝敬未來岳父岳母。蕭正楠在黃翠如娘家食埋晚飯才離開,由他揸車載住黃翠如一起返回華景山莊,返到屋企黃翠如先上樓,蕭正楠負責泊車。

黃翠如
早前黃翠如駕車返大埔娘家接了三妹黃麗茵上車,三妹是個藝術家,氣質完全唔會輸畀家姐黃翠如。


𥄫中康樂園築愛巢

黃翠如
黃翠如這日到大埔康樂園睇樓,屋苑內的獨立屋依山而建,部分面向無敵大海景,向來深受圈中人歡迎,許冠傑、陳小春、蔡少芬及張栢芝早年已低位入貨。


蕭公子駕到

黃翠如兩姊妹睇完樓返回大埔娘家兩小時後,蕭正楠亦坐曹永廉車到達,見他拎住盒撻落車,相熟管理員亦自動波開門讓他入內。

蕭正楠

蕭正楠


甜蜜返家

在黃翠如娘家食完晚飯睇埋電視,蕭正楠負責揸車同女友一齊返屋企,拍拖4年仲話怕醜,要前後腳入大廈喎!

黃翠如

二人再次回應結婚一事,黃翠如將個波推畀蕭正楠,自己匆匆上樓,而蕭正楠亦笑笑口話:「唔講呢啲啦!」又係拖字訣。

黃翠如


蕭正楠

黃翠如父親黃永華曾任聯旺集團(8217)行政總裁兼執行董事,16年4月聯旺上市時,黃翠如曾攜蕭正楠現身道賀。

黃翠如


今年2月農曆新年,黃翠如五姊妹與父母舉家外遊,她坦言十年未試過一家七口去旅行,不過蕭正楠冇份同行。

黃家六女仕,忙碌著煮即食麵。 #一家煮食家
Priscilla Wong 黃翠如(@wongtsuiyu)分享的貼文 於 張貼

我的老豆,媽子。 #祝您們身體健康 #祝您們幸福快樂
Priscilla Wong 黃翠如(@wongtsuiyu)分享的貼文 於 張貼


愛情來了的《美女廚房》!黃翠如公然叫蕭正楠除衫!

蕭正楠同黃翠如打情罵俏打到上《美女廚房》,眾人梗係要食吓花生、抽吓水啦!點知不敵閃光彈,張振朗淨係企喺一邊都頂唔順,開口講笑話自己都係出返去先啦!

美女廚房

其中一幕,廚房門一打開,黃翠如攞住菜刀質問眾人:「你哋邊一個踩我!」,吳卓羲立即指向蕭正楠:「佢(蕭正楠)話身材好過你。」


黃翠如即刻回應:「除衫!睇你係咪好過我!」,點知,抵死嘅蕭正楠神回:「你知㗎!」真係閃到冇人有啊!!!


完美男友蕭正楠

讚還讚,成集蕭正楠讚黃翠如冇停過口,連女友切幾片薑都讚!

梗係搞到全場嘩然!


阿BOB忍唔住窒吓蕭正楠,叫佢諗吓有無嘢可以批評到黃翠如!蕭正楠即刻表示:「我見到完美!」

想做100分男友嘅命運係咁㗎喇!


深情對望

黃翠如喺第一輪嘅菜式獲得除咗蕭正楠以外嘅人嘅一致負評,但阿蕭喺翠如深情嘅目光下,竟然講得出:「其實好甜!」然後再Chok爆回望翠如,真係唔使加Effect到感覺到佢哋有幾Sweet啦!


愛情來了的《美女廚房》

試食咗少少,蕭正楠Man咁爆咗一句:「無人欣賞你,我欣賞你。」再嗱嗱塞哂翠如煮嘅餸落口,哇,真係感動全場!


蕭正楠真情流露黃翠如眼泛淚光

能夠搵到個願意煮飯俾自己食嘅女人,係幾咁幸福!難怪全場都係咁起哄叫佢哋快啲註冊結婚!

聽到對方幾句簡單讚美,都足以感動落淚!


「結婚!結婚!結婚!」

相信唔少粉絲都非常希望佢兩個快啲「有情人終成眷屬」,唔知幾時會聽到佢哋嘅好消息呢?

【美女廚房】「蕭黃」閃爆美女廚房

【美女廚房】「蕭黃」閃爆美女廚房蕭正楠同黃翠如打情罵俏打到上美女廚房!一句「無人欣賞你,我欣賞你」,哇真係感動全場啦!搞到翠如都眼濕濕! 小編都好想快啲見到佢哋有情人終成眷屬啊!#美女廚房 #cookingbeauties #蕭正楠 #黃翠如 #美女廚房爆笑精選即刻上 big big channel 睇 「蕭黃」閃爆美女廚房立即下載 big big channel 追蹤啦!iOS 版本:https://goo.gl/mKdpgYAndroid版本: https://goo.gl/koAb9o

Posted by TVB on Saturday, 18 August 2018