賈曉晨

賈曉晨囡囡擺甫士影相賣萌 網民:愈大愈靚女!

藝人賈曉晨(JJ)於2016年同老公樊少皇結婚,並於一年後誕下囡囡「小飯兜」。話咁快囡囡已經一歲幾大啦,呢日媽媽就將小飯兜嘅相上載到社交網站,相中見到佢手指仔放唇邊擺晒甫士咁,十分可愛!一眾網民大讚小飯兜愈大愈靚女,真係遺傳咗爸媽嘅優良基因!

撰文: Kammy (原文刊於:Sunday kiss)| 圖片來源:微博

賈曉晨囡囡遺傳優良基因

近日,賈曉晨喺微博上載囡囡小飯兜嘅近照,囡囡深得到父母嘅優良遺傳,皮膚白白滑滑,眼睛大大咁。雖然人仔細細,但已經好識得甫士影相,仲將手指仔放唇邊影相,真係好可愛!就連媽媽都笑住話「這是性感嘴唇pose嗎?」

一睇就知小飯兜係美人胚子,唔少網民都大讚小飯兜係「小美人」,仲話佢愈大愈靚女,相信佢大個之後同媽咪一樣咁靚女!