楊怡

羅仲謙當年全靠一隻XX追到楊怡 相差5年姐弟戀冇問題!

羅仲謙喺拍《On Call36小時》時奪得楊怡歡心,結咗婚之後羅仲謙北上瘋狂努力搵錢,然後楊怡就減少幕前演出,每日喺屋企上吓網,出去同朋友聯誼吓,過住少奶奶嘅生活。楊怡亦終於大爆當年羅仲謙點令呢段姐弟戀萌芽,想知到底係點?睇埋落去啦!

原文:Sundaykiss-叮叮|圖片:新傳媒資料庫、羅仲謙微博、楊怡Instagram|編輯:東方新地

楊怡:我同馬明係最夾

早前,楊怡喺接受港台電台訪問時大談當年老公謙謙係點將佢追到手。楊怡笑指其實當初根本冇特別留意老公羅仲謙,冇諗過自己將會同佢拍拖,冇諗過呢套《On Call36小時》會成為佢嘅人生轉捩點。

佢當時只係專心拍戲,就連大家都完全估唔到,因為呢套戲同楊怡撮合埋一齊嘅居然唔係戲中好拍檔、好情侶馬國明!楊怡話:「真係好奇怪,因為同佢(羅仲謙)係風馬牛不相及嘅人,而且大家都覺得我同馬明係最夾。」

其實,楊怡你唔使奇怪,愛情就係咁,愛情係霎那間嘅火花,愛情本來就係會來得突然,一個本來一直喺你身邊嘅人,你可能會有一日「叮!」一聲,同佢刷出火花。所以,只可以話楊怡你同老公仔羅仲謙係命運中要刷出愛火花嘅一對情侶,係命運將你兩個風馬牛不相及嘅人拉埋一齊。