孫慧雪

孫慧雪晒性感自拍遭網民攻擊 反擊:如果我xx你會讚我?

孫慧雪一向有宅男女神之稱,冇他嘅,皆因雪雪身材誘人樣子甜美。不過,最近佢喺個人社交網分享一張性感自拍照,點知惹嚟一位網友留言攻擊,結果雪雪當然當仁不讓,不甘示弱留言反擊該名網民!

撰文:東方新地|圖片:孫慧雪Instagram、新傳媒圖片庫


孫慧雪晒性感自拍

最近,已為人媽媽嘅孫慧雪就喺IG上載一張性感自拍照,相中嘅雪雪身穿紅色內衣及白色吊帶衫,低頭微笑,輕輕露出少少事業線。雖然而做咗人母,但依然記得同粉絲大派福利相!


遭網民攻擊

隨後,唔少網民大讚雪雪即使已為人母仍魅力十足,身材火辣!點知其中有位網民藉此攻擊:「陰公 幾十歲仲要用對奶黎穩(搵)食」,雪雪亦不甘受辱反擊:「係女人都要戴胸圍,如果我無胸,你會讚我有型嗎?咪又係搵嘢話我!」

 

孫慧雪


此話一出後,旋即有大量雪雪粉絲齊齊發聲力撐雪雪,大鬧該名口賤網友,指責攻擊者冇教養,更叫雪雪唔洗理口賤留言!


話說,孫慧雪入無綫後,因身材出眾,加上聲音甜美,迅速成為「宅男女神」。2016年,孫慧雪與圈外人富二代男友羅天彥(Edwin Lo)結婚,結束4年愛情長跑。


即使婚後,雪雪依然冇收起性感,不時喺個人社交網大晒性感相,同粉絲派福利。

 


2017年生咗呀仔Riley後,成為幸福人妻及母親,做咗媽媽就緊係間唔時都會上載同囝囝嘅日常生活照啦!


即時回顧:

孫慧雪發表「男人收皮論」

性感女神孫慧雪雖然做咗媽媽,不過魅力不減,仲成日Share靚相益網民! 早前阿雪喺IG擺咗張2016年嘅寫真相,仲留言發表一段「男人收皮論」,大家點睇?


咪神齊撐 網民齊插?

「男人收皮論」更獲女星林芊妤(Coffee)及林泳淘即刻就留言:「…can’t agree more」、「想俾1萬個like,點解ig淨係可以俾1個咁殘忍!!!」


有網民見到個post即刻擺上討論區,表示呢三個女星夠敢言真係好難得,仲問「連登仔點睇三個大波港星叫番男人收皮」。

唔少民紛紛留言,大撐孫慧雪嘅「男人收皮論」:


不過都有唔少網民唔buy佢嗰套,仲話佢都係靠男人錢生活啫,扮咩?

 

孫慧雪為拍劇勁減27磅 再影寫真索過生B前

現年36歲的孫慧雪,2016年底下嫁圈外男友Edwin Lo,之後在17年7月誕下兒子Riley。阿雪同大部分星媽一樣,不時都喺社交網分享母子合照,母愛爆棚!


最高峰147磅

孫慧雪話晒都係唔少男士心中的性感女神,不過去年懷孕時陀住個超級巨肚,唔少人都以為佢實係生孖胎。剛生B後,阿雪的體重更高達147磅!不過佢為了給兒子最充足的母乳,並未有過分節食,所以大家見到阿雪都仲係好有肉地~

孫慧雪
阿雪當時個肚真係好大。

成個肥妹仔咁!

阿雪好努力減肥!

勁減27磅

正所謂「世上無醜嘅女人,只有懶嘅女人」,新劇開拍在即的阿雪下決心減肥,短時間內勁減27磅!阿雪更連日於IG上載靚靚寫真相,網民睇完都留話以為啲相係佢生B前影定㗎!不過咁,阿雪其實想用行動話俾大家知,做咗媽媽唔一定係走晒樣,一樣可以好靚!

孫慧雪 孫慧雪


連日分享索爆寫真

孫慧雪
阿雪紥起個丸子頭,著住件白色喱士上衣少女味極濃,加上嘟嘴賣萌,仲係鼻血都流埋!

孫慧雪
你要唔要食一粒呀?

孫慧雪
呢個look真係無得輸…

孫慧雪
真係唔係生之前影?

搶眼過後生女

孫慧雪早前出席TVB新劇《殺手》造型及拜神儀式,阿雪一襲露肩短裙大騷弗爆身材,旁邊比阿雪後生12年的江嘉敏就係男仔頭打扮,頓時被比下去!

就咁睇真係唔覺兩人相差12歲!

修身成功,著到靚一靚,阿雪當然都要喺社交網po吓相!

書展逼爆衫

早前書展阿雪亦有到場,佢表示好多人問佢之前本寫真有冇得補購,但話明係唯一一本,如果絕版就只好由佢絕版啦!不過咁,阿雪話都可以考慮出一本健康性感相集,鼓勵新手媽媽生完都可以繼續靚!如果真係就好啦!


早前阿雪去書展睇其他人的寫真,網民見到佢心口… 都想佢重出江湖呀!

第一本亦是最後一本寫真

回想起兩年前,當時34歲的孫慧雪趁入行10周年推出處女寫真《Once》,專登飛去台南墾丁取景,保證人靚景靚!雪雪講明呢本寫真係佢第一本、亦係最後一本寫真,以後唔會再出,只係趁後生影輯靚相留念咁話~





阿雪當時仲拍心口擔保所有相冇執過,百分百純天然,保證無添加!寫真暫時印咗幾千本,成本要6位數,絕對係用心製作。學生、女文青、紋身妹,梗有一個look啱你心水!



關鍵詞
孫慧雪