關心妍

關心妍為發燒愛女沖凍水涼降溫!網民插無知:生仔要考牌!

關心妍(Jade)和老公楊長智結婚後,育有女兒楊榮心,可愛囡囡一向深受網友喜歡。近日,關心妍出席活動就提到早前流感高峰 2歲半女兒心心都中咗招,當時眼見女兒數日發燒不退,愛女心切嘅Jade就錯信偏方,決定為女兒沖凍水涼降溫,最後搞到阿女凍到嘴唇都紫埋。

撰文:Chloe (原文刊於:Sunday Kiss)、東方新地 | 編輯:東方新地|圖片:關心妍IG楊長智IG

關心妍幫發燒愛女沖凍水涼

近日,關心妍出席活動提到早前於社交網站透露女兒患流感,她表示女兒現時經已康復。初時緊張以為中流感,手忙腳亂幫女兒搵方法退燒。佢表示,有人教沖熱水涼,又有人教沖凍水涼,最後她決定嘗試為女兒沖凍水涼「降溫」。

 

怎料情況沒有好轉,更令心心凍到打冷震、嘴唇發紫。最後,佢立即帶她睇醫生,結果都要食抗生素。Jade自認是新手媽媽缺乏經驗,所以誤信了偏方令女兒受苦。

網友插「關家姐」無知

網民睇到「關家姐」呢個湊女經歷,都插佢無知、冇常識,指幫 2 歲半患病的囡囡沖凍水涼,好易出事,又有網民話「關家姐呢單嘢 …… 生仔真心要考牌」、「佢自己未試過病?佢自己病都唔會沖凍水涼嚟退燒啦!」