張繼聰

父子齊操!張繼聰谷子入港足

幸福人爸張繼聰,除咗有個天后老婆謝安琪照顧周到,一 對寶貝仔女更為他增添唔少歡樂,女兒張靖 未夠兩歲已經好有音樂感, 能歌善舞表演慾強, 11歲寶貝仔張瞻,更遺傳咗爸爸超強運動基因,自小愛踢足球,4歲已在車路士足球學校學波,更決心要踢贏父親。為谷仔入香港足球隊,張繼聰同老婆謝安琪輪 住陪仔上堂練波,前年更出動埋爺爺陪孫仔去上海特訓, 又到西班牙作技術交流,日前,練得一身肌肉的張繼聰, 帶同兒子去做Gym狂操,實行瞓身力谷愛兒變小球王!

撰文:東方新地 圖片:新傳媒圖片、Instagram

張繼聰囝囝 陪睇波變足球迷

眨吓眼,謝安琪張繼聰的寶貝仔張瞻今年已經11歲,夫婦教仔理念一致,不會狂谷仔女讀書、上補習班,自小就安排兒 子升讀國際學校減輕功課壓力,讓他有更多空間發展個人興 趣,受爸爸張繼聰影響,張瞻更是足球迷,4歲開始在車路士足球學校練波。據知情者透露:「阿Kay同阿聰教仔好開通,唔想個仔有太大功課壓力,小學開始就安排James(張瞻)讀國際學校,唔會迫個仔死讀書,兩 公婆反而好鼓勵James發展個人興趣,因為細細個就陪住爸爸睇波, James自細已經好鍾意 踢波,阿Kay都好支持個仔做自己鍾意嘅嘢!」