應采兒

應采兒大爆當年曾嫌老公孤寒 首次約會竟去食…

最新娛聞

廣告

陳小春同應采兒結婚已經九年,最近更再去影新一輯婚紗相,但事實上二人影婚紗相都足足影過四次咁多,可見兩公婆仍然恩愛如昔!不過,咪睇佢哋由拍拖到婚後好似一直都咁甜蜜,原來喺啱啱拍拖時,應采兒曾覺得男方好孤寒,因為…

撰文:東方新地|圖片:新傳媒圖片庫、節目截圖

應采兒 陳小春 結婚九年影四次婚紗照

日前,應采兒就喺社交網站上分享咗新一輯結婚相,佢分別著上白色婚紗及中性西裝,臉上依然流露出當年幸福嘅笑容!不過話說,陳小春同應采兒結婚已經9年,數數手指二人婚紗相就足足影過四次咁多!

二人戀情不被睇好

眾所周知,應采兒同陳小春相差16歲不在話下,加上性格完全唔同,所以二人由拍拖到結婚,除咗一開始連家人都唔睇好之外,就連外界都一樣唔睇好!應采兒曾於節目提起當年,陳小春去到應采兒屋企第一次見到丁丁老竇丁漢時,開口叫其父:「Uncle!」一事。

原來當時,陳小春就曾被立即應采兒老竇話:「別叫我Uncle,我只比你大六歲。」,明顯當時丁父對陳小春嘅態度一般。

而且丁父其後更同呀女講:「丁丁,其實呢,你以後甚麼男朋友啦,如果不是很太認真就不要介紹給我了。我剛人家相熟,你就跟人家分手,我很尷尬!」由此可見,當時二人的感情並不被應采兒爸爸睇好!

大爆當年曾嫌老公孤寒

雖然如此,應采兒一於懶理他人目光,決心要同陳小春繼續發展交往!應兒就回憶起當年二人第一次約會嘅過程,原來佢哋並唔係去一啲高級餐廳到食,反而係去咗食牛腩嘅鋪頭,並曾坦言:「我們就吃了一個大概十五分鐘的牛腩就走了,這是約會。約會其實不能拼桌,因為你根本不能夠聊天,然後我就覺得這個人很小器。」

不過,好彩應采兒係個明白事理嘅人,雖然開初覺得對方好孤寒,但事後再細想就知道陳小春只係個不懂浪漫嘅男人:「他是不知道有甚麼好吃的,他的人生裡面只有茶餐廳跟火鍋店」。

言而,喺春哥心中,應采兒就係個「又八卦﹑又八婆﹑又話癆」嘅老婆,佢仲曾特登寫咗封自介信介紹太太,寫道:「她是個有一點吵的人,話很多會說中文﹑英文﹑粵語,反正你們要是覺得吵就放空自己。」事後佢補多句「最漂亮」補獲,十分搞笑!

陳小春9年前求婚爆喊片曝光

之前,應采兒喺《妻子的浪漫旅行》中已經爆料,話當年春哥求婚時喊到收唔到聲,不過口講無憑,節目組非常有心咁搵嚟當年陳小春向應采兒求婚嘅片!春哥同采兒坐埋一齊睇番當年嘅求婚片段,首先就播出二人細個時嘅相片。

之後鏡頭一轉下就見到當年著上黑色衫嘅春哥雙膝跪地,手上拎住求婚必須品,而身穿綠色背心嘅應采兒就企近門口掩咀而笑,非常驚訝之餘當然就帶有喜悅啦!

正當大家認為劇情發展落去梗係問句願唔願意後就禮成,點知春哥竟然只係一直跪兼口噏噏:「er……我不知道該說什麼。」,睇落有啲失威咁喎!

應采兒爸爸等唔切

采兒父母見到未來女婿咁嘅樣,都企喺後面講:「想哭啦!這麼高興的事情,再不講我幫你講啦!」,點不知友人就喺身邊這:「要喊就喊出嚟,我哋唔會笑你嘅!」,認真搞笑!

之後,春哥喺一輪情緒嘅醞釀下,終訴忍唔住流下男兒淚,邊喊邊講:「你知道我在講甚麼(國語),你知我講咩,係囉…嫁比我…」,估唔到平日個性豪爽嘅春哥喺心愛嘅女人面前都會變得好怕醜!

即使婚後回顧呢段求婚影片,陳小春同應采兒直到依家睇番都依然非常感動,仲睇到眼濕濕!求婚嘅最後就係由采兒上前輕吻春哥一下!

播完後片後,春哥就一下子拖住老婆隻手,令人十分動容!

而春哥更講到:「得曾經說過一句話,『要麼不要結婚,要麼說絕對絕對絕對絕對不要離婚』婚姻不是用玩的,你必須要堅持下去!」,簡單一句彷彿道出婚姻之道。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!