應采兒

發福應采兒闊衫遮肚孕味濃 拉星二代狂拆壽司!

年年話恨追多個,不過巡迴演唱會要做、電影及內地綜藝節目長拍長有,小春同應采兒兩公婆各有各忙,二胎喜訊暫時都係得個傳字。未有得造人幫Jasper追多個弟妹住,惟有見多啲朋友仔解住悶先。日前應采兒約埋好姐妹歎壽司,各自帶埋大家嘅小朋友聚一聚,貼地星媽一齊出動仲順手行轉尖咀掃埋街!

撰文:東方新地|圖片:東方新地、Instagram


應采兒拉隊歎壽司

應采兒、黃伊汶、Yumiko多年姊妹情,成就下一代都一齊玩大成為老友。5歲 Jasper、就快4歲梁浸浸同3歲陳真未出世已經識、又一 樣係獨仔獨女,自然玩得埋感情形同親生兄妹。老公小春忙巡唱,廿四孝老婆應采兒唱到邊跟到邊, 不過都冇忘記約吓好姊妹黃伊汶同 Yumiko, 又畀好朋友 Jasper、 梁浸浸、陳真見吓面。

應采兒 應采兒


年中被傳陀第二胎幾次,當事人未肯認,不過一向Fit爆應采兒近月最愛穿寬鬆衫遮肚,面珠脹爆雙下巴初現確係孕味濃。

早前應采兒分享了和鄧麗欣的搞怪合照,照片中兩人穿著同一款的有帽衛衣,眼尖的網友發現應采兒看上去有些臃腫了,而小腹似乎還微微凸出,讓人忍不住猜想

據知情人士透露 ,Jasper雖然參與兩季《 爸爸去哪兒》, 在 大中華地區人氣爆燈,不過小春旨在增加父子感情同兒子見識,最怕過度曝光令 Jasper 不能像普通小孩一樣成長,所以即使廣告商排晒長龍出埋天價,一概推晒 Jasper廣告邀約,寧願寶貝仔盡情玩樂見多啲朋友仔保持童真。


星二代嬲字合體

難得唔使陪小春巡唱,應采兒日前就約埋黃伊汶、Yumiko 帶埋仔女出尖咀食飯聚一聚,Jasper、梁浸浸同陳真食嘢事 小,見老友一齊玩事大,事後Yumiko更新個人社交網絡,三個 老友排排坐、一人一玩具揸手,媽媽講笑話男女男組成一個「嬲」 字,其實一睇就知三小無猜和諧到一個點。


一場見面,三位星媽掛住幫Jasper、梁浸浸同陳真影合照,反而忘記自拍。Yumiko上載 三人萌爆合照,叫大家猜一個字,應采兒就感慨留言:「我們的下一代……」


為食寶寶

食飽傾夠,應采兒帶埋 Jasper 由司機接走趕下場,黃伊汶同 Yumiko 就一個拖一個慢慢步 行去攞車。睇怕小朋友食壽司都係唔夠飽肚,陳真扁嘴扭晒計,靚媽嗱嗱聲排隊幫襯街邊檔買滷水小食。紅腸到手邊行邊食,陳真果然話咁快笑番!

歎完食客高度評價的尖咀熱門立食壽司,三位媽媽依依不捨在店 外告別,應采兒行色匆匆由司機接走,疑似仲有下場。

Yumiko同黃伊汶就慢條斯理慢慢遊走金馬倫道前往取車,唔知係唔係食壽司唔 夠飽,三歲的陳真扁晒嘴扭計。

兩位廿四孝星媽夠晒貼地,邊行邊為小朋友物色街頭小食填吓肚,左揀右揀決定幫襯老字號滷水小食。一人一串紅腸在手,梁浸浸眼神好奇,陳真就急不及待放入口,黃伊汶見到寶貝仔滿足,當堂笑番!


爸爸陪練舞

至於另一方面,忙於個人巡迴演唱會的陳小春近日大江南北周圍飛,應采兒盡可能都帶埋 Jasper陪住飛力撐。日前去排舞室睇爸爸練舞,Jasper都技癢上場打個觔斗,手腳靈活、打完仲雙手插袋扮晒 Cool咁,神情可愛吸引 過十萬個讚!


即時回顧:

應采兒交流陀B經

早前身穿鬆身衫,肚凸凸的應采兒帶埋媽媽及 Jasper,約埋同樣大肚的女友人一家三口,現身銅鑼灣利園商場行母嬰專門店,在就近茶敍交流吓陀B經。身為父母,當然明白新成員未報到,加倍關注大仔Jasper免被忽略最重要。

有指成功陀第二胎,應采兒日前帶埋媽媽和Jasper約友人一家在童裝母嬰名店林立的銅鑼灣利園茶敍。


所以即使有媽媽幫手,采兒都親自陪 Jasper 行玩具舖,耐性十足玩夠半個鐘,再買番樣玩具仔氹吓準哥哥。

近期一直愛 著鬆身衫遮肚,當日應采兒又係著住黑色長 T踩住波鞋,陪Jasper周圍逛睇玩具之餘,亦不由自主經常把雙手放身前護肚。

最細心嗰樣,都係大肚友人一樣有個與 Jasper 年紀相若女兒,兩個女人傾湊仔陀B經,Jasper就同小朋友做伴又玩又食,見到 Jasper行街乖巧拖實手、食條薯條都可以好滿足,就知呢個暖男明白事理又易滿足,第時一定係好哥哥!

行人行完街就近搵個戶外茶座歇一歇腳,應采兒和同樣大住肚的友人傾唔停,Jasper就有年紀相若小妹妹陪伴,而Jasper性格表情亦都同媽媽一個餅印,乖乖企埋一邊自隊薯條,放入口滿足到反晒白眼。

性格開朗出名係大笑姑婆,近期心情靚靚的應采兒表情誇張。

事隔幾日采兒放低Jasper,由老公小春陪住到大埔拍拖食早餐,又係例牌著鬆身上衣遮住個肚。冰室人滿兩公婆等位時小春忍唔住整番口煙,采兒嗱嗱聲用紙巾遮鼻,小春就識做收埋支煙喺身後又企埋一邊噴煙,表現緊張。


丁丁用紙巾遮晒鼻,明顯係唔想煙親!


傳應采兒陀第二胎

1月2日凌晨,應采兒喺微博晒一家三口合照賀新年,並留言:「熒光棒家族 祝大家Happy2019」。相中應采兒與老公陳小春牽著寶貝仔Jasper喺海邊,一家三口洋溢幸福笑容迎接新一年。網民大讚佢哋一家「好幸福!」,又笑指「小春哥又被逼著家庭裝」。


早前網傳應采兒懷上第二胎,之後采兒出席活動都穿著鬆身裝束,未知是否刻意掩飾。不過,應采兒與陳小春夫婦都並未對「懷孕」一事作回應。應采兒晒出家庭合照,一向不介意大騷Fit爆身材嘅采兒,呢次去到海邊卻罕有唔著比堅尼,意外選擇寬鬆打扮示人。

網民紛紛好奇留言:「刻意遮肚?」、「希望熒光棒家族,添多一個螢光妹妹!」


隨後,陳小春亦在社交網晒出與采兒的合照,並留言:「2019乜嘢都有」,再引網民熱議:「有BB!」、「Jasper是要有妹妹了嗎!」、「太太肚子有點飽的狀態」

View this post on Instagram

#🔥

A post shared by @Jordan (@jordan_chan_36) on

楊千嬅與丁子高一家亦晒出與陳小春夫婦的合照,看來兩個家庭相約去馬爾代夫度假過年。

View this post on Instagram

我們的2019 🥳🥳🥳

A post shared by Real Ting (@real_ting) on

View this post on Instagram

Happy New Year 2019 🎊🎊🎊

A post shared by Real Ting (@real_ting) on


應采兒一直準備懷第二胎

之前應采兒同丈夫陳小春一齊接受專訪,二人合體難免被問到生第二胎嘅進度。應采兒首先就一反大笑姑婆嘅風格,好怕羞咁話:「就…可以準備啊。」喺隔離嘅小春就諗住搭嘴:「上禮拜……」小春未講完,應采兒就自爆:「上禮拜準備了一下!」果然,大笑姑婆應采兒唔會令人失望,總係會講啲出人意表嘅說話,惹人發笑。雖然唔少網民已經認定咗應采兒已經懷有第二胎,不過現時應采兒夫婦尚未正式認證懷孕嘅消息。我地就耐心等待佢哋宣布好消息啦!

View this post on Instagram

🎅Merry Christmas 🎄

A post shared by 應釆兒 (@yingcaier) on