毛舜筠

毛舜筠逆齡造型被認錯做胡定欣 網民笑稱:你無L嘢呀?!

昨晚,第38屆香港電影金像獎圓滿結束,所有獎項塵埃落定。不過,除咗得獎者成為大家焦點外,頒獎嘉賓意外成為大家熱烈討論嘅話題之一,講緊嘅就係被網呢認錯做胡定欣嘅毛舜筠!

撰文:東方新地|圖片:電視截圖、網上截圖

毛舜筠逆齡造型被認錯做胡定欣

話說,噚晚惠英紅、鮑起靜及毛舜筠三位實力派演員組成「三個女人一個墟」,齊齊上台頒發「最佳女主角」一獎,最後由於電影《三夫》有大膽演出嘅曾美慧孜奪得影后之位!

香港電影金像獎2019最佳女主角 -曾美慧孜《三夫》
香港電影金像獎2019最佳女主角 -曾美慧孜《三夫》

然而,唔少網民都錯重點,將目光落喺頒獎嘉賓毛姐身上!皆因毛姐一頭長髮馬尾造型,加上一身低胸銀色西裝罕有性感打扮,大為吸睛之餘,一身造型更目測至少減齡十年,令大眾對毛姐刮目相看!